ការក្អក គឺជារ៉េផ្លិចមួយដែលជួយសម្អាតផ្លូវដង្ហើម។ ការក្អកធ្ងន់ធ្ងរតម្រូវឲ្យមានការថែទាំ ប៉ុន្តែការក្អកជាច្រើនត្រូវបានបង្កឡើងដោយពពួកមេរោគវីរុស ដែលគ្រាន់តែទុកវាទៅ ពីព្រោះវានឹងបាត់ទៅវិញដោយខ្លួនវា។
(អាន:ថ្នាំងងុយគេង ពេលអ្នកគួរប្រើ)
អ្វីដែលអ្នកគួរធ្វើ
- ប្រសិនបើកូនរបស់អ្នកក្អកខ្លាំង ចូរឲ្យគេអង្គុយសម្រួលអារម្មណ៍ឲ្យបានល្អ
- ណែនាំគេឲ្យផឹកទឹកឲ្យបានច្រើន
- បើកម៉ាស៊ីនផ្តល់សំណើមនៅក្នុងបន្ទប់កូនរបស់អ្នក
- សូមប្រើសារ៉ូមប្រៃបន្តក់ច្រមុះ ដើម្បីបន្ថយការតឹងច្រមុះ
- សូមកុំឲ្យថ្នាំក្អកទៅក្មេងតូចៗក្រោមអាយុពីរឆ្នាំដោយចិត្តឯង (សូមពិគ្រោះជាមួយនឹងគ្រូពេទ្យជាមុនសិន)។
(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
ចូរស្វែងរកការព្យាបាលភ្លាម ប្រសិនបើកូនរបស់អ្នក ៖
- មានការក្អកធ្ងន់ធ្ងរ ឬយូរថ្ងៃ
- ដកដង្ហើមលឺសូរខ្លាំង
- មានការក្អកលើសពីបីសប្តាហ៍ ក្អកកាន់តែធ្ងន់ធ្ងរទៅៗ ហើយកើតមានក្នុងពេលដូចគ្នារៀងរាល់ឆ្នាំ ឬហាក់ដូចជាត្រូវបានបង្កឡើងដោយបញ្ហាជាក់លាក់ ដូចជាលម្អងផ្កា ធូលីដី និងរោមសត្វជាដើម
- មានគ្រុនក្តៅជាប់
- មានអាយុក្រោមពីបីខែ និងមានគ្រុនក្តៅគួបផ្សំជាមួយការក្អក
- ដកដង្ហើមញាប់ ឬពិបាកដកដង្ហើម
- បបូរមាត់ប្រែពណ៌ មុខ ឬអណ្តាតប្រែជាស្វាយអំឡុងពេល ឬក្រោយពីក្អក៕