ក្រុមអ្នកស្រាវជ្រាវជឿថា យ៉ាងហោចណាស់មាន ២៥ ភាគរយនៃការគាំងបេះដូងកើតមានឡើងដោយមិនមានរោគសញ្ញាជាក់លាក់ណា ដូចជាការឈឺទ្រូង ឬពិបាកដកដង្ហើមជាមុននេះទេ។
(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
ការគំរាមកំហែងដល់អាយុជីវិតតបែបនេះ គេហៅថាការគាំងបេះដូងដោយស្ងៀមស្ងាត់ ដែលជាញឹកញាប់បណ្តាលឲ្យមានការខូចខាតច្រើន ដោយសារតែលំហូរឈាមមិនត្រូវបានស្តារឡើងវិញបានឆាប់រហ័សគ្រប់គ្រាន់។
(អាន:ថ្នាំងងុយគេង ពេលអ្នកគួរប្រើ)
មនុស្សជាច្រើនមិនបានដឹងថា ពួកគេមានរោគគាំងបេះដូងទេ រហូតដល់មានការខូចខាតត្រូវបានរកឃើញនៅក្នុងការពិនិត្យបេះដូង។ ការយល់ដឹងពីរោគសញ្ញាដែលអាចឲ្យយើងដឹងពីការគាំងបេះដូងដោយស្ងៀមស្ងាត់នេះ គឺជាការសំខាន់ ដើម្បីការពារសុខភាពបេះដូងរបស់អ្នក។
សម្រាប់មនុស្សជាច្រើន ការគាំងបេះដូងដោយស្ងៀមស្ងាត់មិនមានរោគសញ្ញាអ្វីទាំងអស់ឲ្យយើងបានដឹងនោះទេ។ អ្នកខ្លះអាចមានរោគសញ្ញាដូចជាជំងឺគ្រុនផ្តាសាយ ឬដូចជាមានអារម្មរណ៍ថាឈឺសាច់ដុំទ្រូង ឬខ្នង។
សម្រាប់អ្នកផ្សេងទៀតមានការអស់កម្លាំងខ្លាំង ដែលអាចនឹងត្រូវការបញ្ជូនពួកគេទៅជួបគ្រូពេទ្យ ដើម្បីរកឲ្យឃើញថា ពួកគេមានការគាំងបេះដូងដែរឬទេ។ ការយកចិត្តទុកដាក់ទៅសញ្ញាទាំងនេះ គឺសំខាន់ខ្លាំងណាស់។ ភាពមិនស្រួលដែលខុសពីធម្មតា ជាពិសេសប្រសិនបើវារារាំងអ្នកមិនអាចធ្វើសកម្មភាពធម្មតាបាន។
រោគសញ្ញាច្បាស់លាស់កើតមានជាញឹកញាប់រួមមានដូចជា ៖
• មានអាការៈមិនស្រួលក្នុងខ្លួន ឬមានអារម្មរណ៍ធ្ងន់ៗនៅខ្នង ក ថ្គាម ឬទ្រូង
• មិនស្រួលក្នុងក្រពះ
• អស់កម្លាំងខុសធម្មតា។
បើមានរោគសញ្ញាមិនប្រក្រតីទាំងនេះ សូមស្វែងរកការព្យាបាលភ្លាម។ រោគសញ្ញាអាចថយចុះ ឬបាត់ទៅវិញទាំងស្រុង ប៉ុន្តែការខូចខាតសាច់ដុំបេះដូងប្រហែលជាបានកើតឡើងរួចទៅហើយ។ ស្លាកស្នាមនៃបេះដូង គឺទំនងជាមានជាអចិន្រ្តៃយ៍ និងធ្វើឲ្យអ្នកជំងឺមានហានិភ័យខ្ពស់ ចំពោះការគាំងបេះដូងបន្ថែមទៀត និងបេះដូងលោតខុសចង្វាក់។
ការថយចុះលំហូរឈាមក៏អាចបង្កើននូវហានិភ័យនៃជំងឺដាច់សរសៃឈាមខួរក្បាល ជំងឺវង្វេង និងការខូចខាតសរីរាង្គផ្សេងទៀតផងដែរ៕