សូមពិគ្រោះជាមួយនឹងគ្រូពេទ្យអំពីថាតើទម្ងន់របស់អ្នកគួរតែឡើងប៉ុន្មាន។ វាមានភាពខុសប្លែកពីមនុស្សម្នាក់ទៅមនុស្សម្នាក់ទៀត ប៉ុន្តែស្ត្រីភាគច្រើនឡើងទម្ងន់ប្រហែលជា ១១ ទៅ ១៣,៥ គីឡូក្រាម។
(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
ប្រសិនបើអ្នកមិនមានទម្ងន់គ្រប់គ្រាន់នៅពេលដែលអ្នកមានផ្ទៃពោះទេនោះ អ្នកអាចចាំបាច់ត្រូវឡើងទម្ងន់បន្ថែម។ ប្រសិនបើអ្នកលើសទម្ងន់នៅពេលដែលអ្នកមានផ្ទៃពោះ អ្នកអាចចាំបាច់ត្រូវសម្រកទម្ងន់។
(អាន:ថ្នាំងងុយគេង ពេលអ្នកគួរប្រើ)
អ្វីដែលអ្នកគួរតែទទួលទាន?
ការញ៉ាំអាហារឲ្យមានតុល្យភាព គឺជារឿងមួយសំខាន់ដែលអ្នកអាចធ្វើបានសម្រាប់ខ្លួនអ្នក និងកូនរបស់អ្នក។ មានអាហារមួយចំនួនដែលអ្នកគួរតែប្រុងប្រយ័ត្ននៅពេលដែលអ្នកមានផ្ទៃពោះ។
សាច់ ស៊ុត និងត្រីដែលចម្អិនមិនបានឆ្អិនល្អ អាចជម្រុញឲ្យមានហានិភ័យនៃការឆ្លងមេរោគ។ សូមកុំញ៉ាំត្រីឆ្លាម។ ត្រីនេះជួនកាលមានកម្រិតខ្ពស់នៃបារ៉ត ដែលអាចប៉ះពាល់ដល់កូនរបស់អ្នក។
ចូរលាងបន្លែ និងផ្លែឈើឲ្យបានស្អាតល្អ។ សូមញ៉ាំវាជារៀងរាល់ថ្ងៃ។ វានឹងផ្តល់ឲ្យអ្នកនូវកាល់ស្យូមគ្រប់គ្រាន់សម្រាប់អ្នក និងកូនរបស់អ្នក។ សូមកុំផឹកទឹកដោះដែលមិនទាន់ចម្រាញ់ឲ្យសោះ។
ប្រសិនបើអ្នកផឹកកាហ្វេ ឬផឹកភេសជ្ជៈដទៃទៀតដែលមានជាតិកាហ្វេអ៊ីន សូមកុំផឹកវាលើសពី ១ ឬ ២ ពែងក្នុងមួយថ្ងៃ។
តើគួរតែប្រើថ្នាំគ្រាប់វីតាមីនទេ?
អ្នកគួរតែលេបអាស៊ីតហ្វូលីក ១០០០ មីក្រូក្រាមជារៀងរាល់ថ្ងៃអំឡុងពេលមានផ្ទៃពោះ។ អាស៊ីតហ្វូលីកអាចជួយការពារបញ្ហាជាមួយនឹងខួរក្បាលកុមារ និងឆ្អឹងកងខ្នង។ វាជារឿងល្អបំផុត ដើម្បីចាប់ផ្តើមលេបអាស៊ីតហ្វូលីក មុននឹងអ្នកមានផ្ទៃពោះ។
គ្រូពេទ្យអាចចង់ឲ្យអ្នកប្រើថ្នាំគ្រាប់វីតាមីនមុននឹងមានផ្ទៃពោះ។ ប្រសិនបើអ្នកលេបវាមុននឹងមានផ្ទៃពោះ សូមប្រាកដថាអ្នកនឹងមិនកំពុងតែប្រើថ្នាំវីតាមីនដទៃទៀតស្របជាមួយវានោះទេ ប្រសិនបើគ្រូពេទ្យមិនណែនាំឲ្យប្រើនោះ៕