អ្នកឯកទេសបាននិយាយថា បញ្ហាឆ្កែខាំ គឺជាបញ្ហាសុខភាពសាធារណៈដ៏ធ្ងន់ធ្ងរមួយ ប៉ុន្តែរឿងជាច្រើនអាចការពារបាន។
តាមការស្រាវជ្រាវ ជនជាតិអាមេរិកប្រហែលជា ៤,៧ លាននាក់ ច្រើនជាងពាក់កណ្តាលនៃពួកគេ គឺជាកុមារនោះ ទទួលរងពីការឆ្កែខាំជារៀងរាល់ឆ្នាំ។
(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
សូម្បីតែឆ្កែដែលគួរឲ្យស្រឡាញ់បំផុត ក៏អាចខាំអ្នកនៅពេលដែលធ្វើឲ្យវាភ្ញាក់ជាដើម។
កុមារភាគច្រើនស្រឡាញ់ឆ្កែ និងចូលចិត្តដាក់មុខរបស់ពួកគេទៅជិតនឹងមុខរបស់ឆ្កែ។
(អាន:ថ្នាំងងុយគេង ពេលអ្នកគួរប្រើ)
ឪពុកម្តាយមិនគួរជម្រុញឲ្យពួកគេធ្វើរបៀបនេះនោះទេ។ គ្រោះថ្នាក់លើមុខ និងដៃអាចជារឿងមិនល្អ និងតម្រូវឲ្យធ្វើការព្យាបាលដោយយកចិត្តទុកដាក់បំផុត។ ២/៣នៃឆ្កែខាំក្នុងចំណោមកុមារនោះ កើតមាននៅត្រង់ក្បាល និងក ហើយជារឿយៗតម្រូវឲ្យធ្វើការវះកាត់កែសម្ផស្ស។
ការណែនាំ ការពន្យល់ដល់កុមារ និងមនុស្សពេញវ័យអំពីរបៀបកាន់ឆ្កែ លេងជាមួយឆ្កែ អាចការពារប្រឆាំងនឹងគ្រោះថ្នាក់នានា។
ខាងក្រោមនេះ គឺជាការណែនាំមួយចំនួន ៖
- បង្វឹកវាជាមួយនឹងការណែនាំ
- ចាក់វ៉ាក់សាំងប្រឆាំងនឹងជំងឺឆ្កែឆ្កួត និងជំងឺដៃទៀត
- កុំទុកកុមារឲ្យនៅជាមួយឆ្កែតែឯង
- បង្រៀនកូនឲ្យសួរម្ចាស់ឆ្កែ សម្រាប់ការអនុញ្ញាតក្នុងការលេងជាមួយឆ្កែ ទោះបីជាវាមើលទៅស្លួតក៏ដោយ
- ប្រសិនបើអ្នកត្រូវបានគម្រាមដោយឆ្កែ រក្សាភាពស្ងៀមស្ងាត់ និងចៀសវាងការមើលភ្នែកវា ហើយឈរឲ្យស្ងៀមរហូតដល់ឆ្កែចេញ ឬក៏ថយក្រោយចេញពីឆ្កែសន្សឹមៗ
- ប្រសិនបើអ្នកទទួលរងពីការឆ្កែខាំ សូមលាងកន្លែងខាំជាមួយនឹងសាប៊ូ
- បើឆ្កែខាំ ត្រូវប្រញាប់ទៅពេទ្យ ដើម្បីទទួលការព្យាបាល និងចាក់វ៉ាក់សាំង៕
