មានការលើកឡើងជាច្រើនដែលជាប់ទាក់ទងនឹកគ្រោះថ្នាក់ដែលអាចប៉ះពាល់ដល់សុខភាព ដែលបណ្តាលមកពីការទទួលទានអាហារដែលអាំង ឬខ្លោច។

អាន:ថ្នាំងងុយគេង ពេលអ្នកគួរប្រើ

ក្នុងចំនោមបញ្ហាដែលគេតែងតែលើកឡើងនោះ គឺបញ្ហាជំងឺមហារីក ដែលជាការភ័យបារម្ភដ៏ធំសម្បើម។ ខណៈដែលការបរិភោគអាហារអាំងម្តងម្កាល គឺទំនងជាមានសុវត្ថិភាព ប៉ុន្តែបើវាជាផ្នែកមួយនៃរបបអាហារជាទៀងទាត់វិញ នោះវាអាចមានផលវិបាកមួយចំនួនដល់សុខភាពនាពេលអនាគត។

អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?

ជាការពិតណាស់ អ្វីដែលមានគ្រោះថ្នាក់ដល់សុខភាពនោះ គឺជាផ្សែងដែលបានមកពីការអាំងសាច់ជាជាងមកពីសាច់។ តើមានអំណះអំណាងអ្វីខ្លះ ដែលអាចបញ្ជាក់បានពីបញ្ហាទាំងនេះ?

សារធាតុគីមីដែលអាចបង្កឲ្យមានជំងឺមហារីក គឺជាការព្រួយបារម្ភមួយផ្សេងទៀតនៅពេលដែលបរិភោគសាច់ដែលអាំង។ សារធាតុ Polycyclic Aromatic Hydrocarbon ឬ PAHsត្រូវបានបង្កើតឡើងនៅពេលដែលជាតិខ្លាញ់ ដែលមាននៅក្នុងសាច់ស្រកទៅលើអណ្តាតភ្លើងក្នុងអំឡុងពេលកំពុងតែអាំងសាច់។

PAHs ក៏អាចអភិវឌ្ឍបាននៅក្នុងអំឡុងពេលជក់បារីផងដែរ។ PAHs នេះដើរតួនាទីមួយជាកត្តាហានិភ័យ សម្រាប់ការវិវត្តនៃជំងឺមហារីកលំពែង ពោះវៀនធំ និងក្រពេញប្រូស្តាត នេះបើយោងតាមវិទ្យាស្ថានជាតិផ្នែកជំងឺមហារីកអាមេរិច។ វិទ្យាស្ថាននេះរំលឹកផងដែរថា ការស្រាវជ្រាវបន្ថែមទៀត គឺជាការចាំបាច់នៅក្នុងបញ្ហានេះ៕