អ្នកឯកទេសបាននិយាយថា សត្វចិញ្ចឹមអាចចម្លងការឆ្លងមេរោគទៅកាន់មនុស្ស ជាពិសេសកុមារ មនុស្សវ័យចំណាស់ ស្ត្រីមានផ្ទៃពោះ និងអ្នកដែលមានប្រព័ន្ធភាពស៊ាំចុះខ្សោយ។
អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?
ម្ចាស់សត្វ និងអ្នកថែទាំ ត្រូវការប្រុងប្រយ័ត្ននៃហានិភ័យ ដើម្បីការពារអ្នកដែលងាយនឹងឆ្លងមេរោគ នេះដោយយោងតាមការស្រាវជ្រាវដែលត្រូវបានចេញផ្សាយនៅក្នុងកាសែត Canadian Medical Association Journal។
អាន:ថ្នាំងងុយគេង ពេលអ្នកគួរប្រើ
សត្វចិញ្ចឹមទាំងអស់អាចចម្លងជំងឺទៅកាន់មនុស្ស រួមមានមេរោគ salmonella បាក់តេរីដែលស៊ាំទៅនឹងថ្នាំ, មេរោគ Campylobacter និងមេរោគប៉ារ៉ាស៊ីត។ ការឆ្លងមេរោគអាចត្រូវបានចម្លងតាមរយៈការខាំ ការខ្វាច ទឹកមាត់ និងការប៉ះលាមករបស់សត្វ។
ពពួកសត្វល្មូន ត្រូវបានគេប៉ាន់ស្មានថាទទួលខុសត្រូវ ១១ ភាគរយនៃការឆ្លងមេរោគ salmonella ក្នុងចំណោមអ្នកជំងឺដែលមានអាយុតិចជាង ២១ ឆ្នាំ ហើយការប៉ះពាល់ផ្ទាល់ជាមួយនឹងសត្វមិនតម្រូវថាមានការឆ្លងមេរោគនោះទេ។
មធ្យោបាយការពាររួមមាន ការពាក់ស្រោមដៃនៅពេលដែលលាងសម្អាតទ្រុងរបស់សត្វ និងសម្អាតលាមកសត្វ លាងដៃឲ្យបានស្អាតក្រោយពីប៉ះសត្វ លាងសម្អាតទ្រុងរបស់សត្វឲ្យបានស្អាត និងទៀងទាត់៕
