ជួនកាល អ្នកម្តាយចង់បញ្ឈប់ការបំបៅកូនដោយទឹកដោះ ប៉ុន្តែទារករបស់នាងបង្ហាញសញ្ញាថាចង់បន្ត។ ប្រសិនបើអាចធ្វើបាន ចូរបន្តបំបៅដោះកូនឲ្យបានយូរតាមដែលអាចធ្វើទៅបាន ដើម្បីទទួលបាននូវអត្ថប្រយោជន៍យ៉ាងច្រើនអស្ចារ្យ។ ប្រសិនបើមិនអាចធ្វើទៅបានទេ ការផ្តល់យោបល់ខាងក្រោមអាចជួយអ្នកបាន។
(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
1. ដំបូង ចូរចាប់ផ្តើម ដោយការច្របាច់ទឹកដោះរបស់អ្នកទុក រួចឲ្យគេបៅ (ប្រសិនបើទារករបស់អ្នកមានអាយុច្រើនជាង ៩ ទៅ ១២ ខែ និងឲ្យគេញ៉ាំចំណីអាហារដែលសំបូរជាតិដែក)។ ចូរចាប់ផ្តើមយឺតៗក្នុងបរិមាណតិចតួចទៅច្រើន។
(អាន:ថ្នាំងងុយគេង ពេលអ្នកគួរប្រើ)
2. ប្រសិនបើទារករបស់អ្នកមិនចង់បាន ហើយចង់បៅដោះម្តាយ អ្នកគួរព្យាយាមម្តងហើយម្តងទៀត។ អ្នកក៏អាចពិសោធន៍ជាមួយប្រភេទក្បាលដោះខុសៗគ្នាផងដែរ។
3. បន្ទាប់មក អ្នកអាចចាប់ផ្តើមជំនួសវា ដោយដាក់ទឹកដោះគោម្សៅវិញម្តង ដោយចាប់ផ្តើមក្នុងបរិមាណពីតិចទៅច្រើនដូចគ្នានេះផងដែរ។
4. ប្រសិនបើទារករបស់អ្នកភ្លាមៗ បដិសេធមិនព្រមបៅ ចូរនៅតែព្យាយាមបន្តិចម្តងៗរហូតដល់គេព្រមបៅ។
5. សូមព្យាយាមដោយភាពអំណត់ និងប្រាកដថាទឹកដោះគោដែលអ្នកទិញឲ្យកូនបៅមានសុវត្ថិភាព និងគុណភាពខ្ពស់សម្រាប់កូនរបស់អ្នក៕
