ភាពពេញក្រមុំ ឬពេញវ័យ គឺជាពេលដែលក្មេងស្រីលូតលាស់ធំឡើងជាយុវនារី។ ក្មេងស្រីគ្រប់រូបនឹងត្រូវឆ្លងកាត់វា ប៉ុន្តែ វាអាចជាពេលវេលាដ៏លំបាកមួយ។ ដែលនេះគឺជាការផ្លាស់ប្តូរដែលត្រូវរំពឹងទុក។ ហើយអ្នកម៉ាក់គួរត្រៀមខ្លួននិយាយអប់រំកូនជាមុនទើបល្អ។

(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)

តើពេលណា កូនរបស់អ្នកនឹងចាប់ផ្តើមពេញវ័យ?

ភាពពេញវ័យ ជាធម្មតា ចាប់ផ្ដើមពីអាយុ ៨ ទៅ ១៤ ឆ្នាំ ប៉ុន្តែក្មេងស្រីគ្រប់រូប គឺខុសៗគ្នា។ យើងទាំងអស់គ្នារីកលូតលាស់ និងផ្លាស់ប្តូរនៅក្នុងអត្រាខុសគ្នា ហើយមិនមានអ្វីដែលអ្នកអាចធ្វើបាន ដើម្បីធ្វើឲ្យវាកើតឡើងឆាប់ ឬយូរនោះឡើយ។ រាងកាយរបស់គេនឹងផ្លាស់ប្តូរនៅពេលវារួចរាល់។

(អាន:ថ្នាំងងុយគេង ពេលអ្នកគួរប្រើ)

សុដន់របស់គេអាចលូតលាស់យ៉ាងលឿន ឬយឺត។ គេអាចមានរដូវដំបូងរបស់ខ្លួនឯង បន្ទាប់មក បែរជាមិនមាននៅខែបន្ទាប់ទៅវិញ។ វាជារឿង “ធម្មតា” ទេ ដូច្នេះ សូមប្រាប់គេកុំឱ្យបារម្ភ ប្រសិនបើបទពិសោធន៍របស់កូនអ្នកខុសពីក្មេងស្រីដទៃទៀត។ ចូរប្រាប់គេឱ្យព្យាយាមនិយាយជាមួយអ្នក ឬអ្នកដែលទុកចិត្តបានដូចជាបងស្រី មិត្តភក្តិ ឬគ្រូបង្រៀនរបស់គេ៕