ការទល់លាមកចំពោះទារក និងកុមារចេះដើរតេះតាស អាចមានមូលហេតុជាច្រើន។ ពេលខ្លះមិនមានហេតុផលច្បាស់លាស់ទេ។
(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
ជាធម្មតា វាកើតឡើងនៅពេលកូនរបស់អ្នក ៖
1. ចាប់ផ្តើមបៅទឹកដោះគោ ផ្លាស់ប្តូរទឹកដោះគោ ឬអាហាររឹងៗ ឬអាហារកែច្នៃ
2. បើអ្នកកំពុងបង្ហាត់ឲ្យគេជុះនៅលើចានបង្គន់ ក៏អាចនាំគេខំទប់ ហើយទល់លាមកដែរ
3. ទើបតែចាប់ផ្តើមចូលរៀននៅសាលា។
(អាន:ថ្នាំងងុយគេង ពេលអ្នកគួរប្រើ)
មូលហេតុទូទៅបំផុតរួមមាន ៖
1. មិនបរិភោគជាតិសរសៃគ្រប់គ្រាន់ ដូចជាផ្លែឈើបន្លែ និងធញ្ញជាតិ
2. មិនផឹកទឹកគ្រប់គ្រាន់
3. បៅច្រើនពេក
4. ការភ័យខ្លាច ឬការថប់បារម្ភអំពីការប្រើបង្គន់នៅផ្ទះ ឬនៅសាលារៀន
5. ការបង្ហាត់ឲ្យគេជុះខុសទំនង ឬមិនត្រឹមត្រូវ ត្រូវបានរំខានការបន្ទោរបង់របស់គេ
6. ក្នុងករណីច្រើនជាងនេះ ការទល់លាមកចំពោះទារក និងកុមារតូចៗ អាចបណ្តាលមកពីស្ថានភាពសុខភាពណាមួយ៕