ការវេចខ្ចប់ផលិតផលទឹកដោះគោអាចមានសភាពខុសប្លែកគ្នា ប៉ុន្តែសម្រាប់ផលិតផលដែលខូចទ្រង់ទ្រាយ កំពិត ច្រេះ បែកបាក់ ឬធ្លុះធ្លាយ ទោះបីជាថោក ឬមានកម្មវិធីបញ្ចុះតម្លៃយ៉ាងណាក៏ដោយ អ្នកមិនត្រូវទិញយកមកឲ្យកូនបៅនោះឡើយ ពីព្រោះវាពិតជាងាយនឹងបង្កគ្រោះថ្នាក់ដល់កូនរបស់អ្នកខ្លាំងណាស់។
(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
អ្នកត្រូវប្រាកដថា សំបកកំប៉ុង ឬធុងប្លាស្ទិចទឹកដោះគោកូនរបស់អ្នកមិនមានការខូចខាត ទោះបីជាតាមរបៀបណាក៏ដោយ ដូចជាប្រេះសំបក រហែកត្រា ឬរបកគម្រប។
(អាន:ថ្នាំងងុយគេង ពេលអ្នកគួរប្រើ)
ហេតុអ្វីវាមានគ្រោះថ្នាក់?
ការខូចទ្រង់ទ្រាយ គឺជាសញ្ញានៃការទុកដាក់មិនបានល្អ ដូច្នេះ វាមិនមានសុវត្ថិភាពសម្រាប់កូនរបស់អ្នកបៅនោះទេ។ ការធ្លុះធ្លាយ ការកំពិត ឬរហែកសំបកកំប៉ុងងាយនឹងធ្វើឲ្យបាក់តេរីជ្រៀតចូលណាស់ ដូច្នេះ ប្រសិនបើអ្នកកូនរបស់អ្នកបៅ វាអាចនឹងបង្កគ្រោះថ្នាក់បាន។
យ៉ាងណាមិញ ក្រៅពីការពិនិត្យទៅលើរូបរាងខាងក្រៅនៃទឹកដោះគោ អ្នកក៏គួរតែស្វែងយល់អំពីប្រភេទនៃទឹកដោះគោដែលមានគុណភាពសម្រាប់កូនតូចរបស់អ្នកផងដែរ។