តេតាណូស គឺជាជំងឺដ៏ធ្ងន់ធ្ងរ ដែលបង្កឡើងដោយបាក់តេរី ដែលធ្វើឲ្យប៉ះពាល់ដល់ប្រព័ន្ធសសៃប្រសាទ ដែលនាំឲ្យមានការកន្ត្រាក់សាច់ដុំយ៉ាងខ្លាំង និងមានការឈឺចាប់ ជាពិសេស សាច់ដុំថ្គាម និងក។ឲ
អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?
តេតាណូស អាចរំខានដល់ការដកដង្ហើម ហើយអាចគម្រាមកំហែងដល់អាយុជីវិតរបស់អ្នកបាន។
អាន:ថ្នាំងងុយគេង ពេលអ្នកគួរប្រើ
នៅពេលដែលជាតិពុលរបស់មេរោគតេតាណូស បានទៅតោងនឹងសរសៃប្រសាទ វាមិនអាចផ្តាច់ចេញវិញបាននោះទេ។ ការជាសះស្បើយពីជំងឺនេះបាន លុះត្រាតែមានការកកើតឡើងជាថ្មីមកវិញនូវចុងសសៃប្រសាទ ហើយអាចត្រូវចំនាយពេលរាប់ខែ។
ផលវិបាកនៃជំងឺតេតាណូសនេះអាចមានដូចជា ៖
- បាក់ឆ្អឹង ៖ ការកន្រ្តាក់សាច់ដុំធ្ងន់ធ្ងរពេក អាចបណ្តាលឲ្យឆ្អឹងកងខ្នង និងឆ្អឹងដទៃទៀតបាក់បាន។
- ពិការ ៖ ការព្យាបាលជំងឺតេតាណូស ជាធម្មតា គឺពាក់ព័ន្ធនឹងការប្រើប្រាស់ថ្នាំងងុយគេងខ្លាំងៗ ដើម្បីគ្រប់គ្រងសាច់ដុំមិនឲ្យកន្ត្រាក់។ ការមិនកម្រើករយៈពេលយូរដោយសារតែការប្រើថ្នាំទាំងនេះអាចនាំឲ្យមានពិការភាពជាអចិន្រ្តៃយ៍។ ចំពោះទារកវិញ ជំងឺតេតាណុស អាចបណ្តាលឲ្យបះពាល់ដល់ខួរក្បាល ដែលនាំឲ្យមានបញ្ហាសតិមិនគ្រប់គ្រាន់ ឬពិការខួរក្បាល។
- ស្លាប់ ៖ ជំងឺតេតាណុសធ្ងន់ធ្ងរ អាចជម្រុញឲ្យសាច់ដុំកន្ត្រាក់ជាប់ ដែលអាចរំខានដល់ការដកការដង្ហើម ដែលពេលណាមួយ អ្នកមិនអាចដកដង្ហើមបានទាំងស្រុងតែម្តង។ បញ្ហាផ្លូវដង្ហើម គឺជាមូលហេតុទូទៅបំផុតនៃការស្លាប់។ កង្វះអុកស៊ីសែន ក៏អាចនាំឲ្យគាំងបេះដូង និងស្លាប់បាន។ ជំងឺរលាកសួត គឺជាមូលហេតុនៃការស្លាប់ផ្សេងទៀត៕