សាប៊ូធម្មតា គឺល្អក្នុងការលាងសម្អាតដៃរបស់អ្នកដូចសាប៊ូប្រឆាំងនឹងបាក់តេរី។ តាមពិត ការស្រាវជ្រាវបានរកឃើញថា សាប៊ូប្រឆាំងនឹងបាក់តេរីមិនមានប្រសិទ្ធភាពក្នុងការសម្លាប់មេរោគច្រើនជាងសាប៊ូធម្មតាទេ។
(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
នៅឆ្នាំ ២០១៧ រដ្ឋបាលចំណីអាហារ និងឱសថ (FDA) ដែលជាប្រភពគួរឱ្យយទុកចិត្តបានហាមឃាត់ការប្រើប្រាស់ភ្នាក់ងារប្រឆាំងនឹងបាក់តេរី triclosan និង triclocarban ។ ហេតុផលដែលលើកឡើងដោយរដ្ឋបាលចំណីអាហារ និងឱសថសម្រាប់ការហាមឃាត់ភ្នាក់ងារទាំងនេះរួមមាន ៖
(អាន:ថ្នាំងងុយគេង ពេលអ្នកគួរប្រើ)
- ភាពធន់នឹងបាក់តេរី
- ការស្រូបយកជាប្រព័ន្ធ
- ការរំខានដល់អ័រម៉ូនអង់ដូគ្រីន
- ប្រតិកម្មអាលែកស៊ី
- ភាពគ្មានប្រសិទ្ធភាពជារួម។
ដូច្នេះ ប្រសិនបើអ្នកមានសាប៊ូចាស់ៗដែលមានស្តុកទុកយូរហើយ យកល្អអ្នកមិនគួរប្រើវាទេ។ បោះវាចោល ហើយអ្នកគ្រាន់តែប្រើសាប៊ូធម្មតាថ្មីជំនួសវិញ។
ម៉្យាងទៀត មិនមានភ័ស្តុតាងណាមួយដែលបញ្ជាក់ថា សីតុណ្ហភាពទឹកមានភាពខុសគ្នាទេ។ យោងតាមប្រភពស្រាវជ្រាវមួយបានឱ្យដឹងថា ការលាងដៃរបស់អ្នកក្នុងទឹកក្តៅហាក់ដូចជាមិនបានកម្ចាត់មេរោគច្រើនទេ។ ចំណុចសំខាន់គឺថា វាមានសុវត្ថិភាពក្នុងការប្រើប្រាស់សីតុណ្ហភាពទឹកសមស្របសម្រាប់អ្នក និងប្រើសាប៊ូរាវ ឬសាប៊ូធម្មតាដែលអ្នកមាននៅនឹងដៃ៕