ខណៈពេលមេរោគកូវីដកំពុងរាលដាលពាសពេញពិភពលោក មនុស្សដែលមានជំងឺលើសឈាម គឺស្ថិតក្នុងចំណោមអ្នកដែលមានហានិភ័យខ្ពស់ចំពោះផលវិបាកធ្ងន់ធ្ងរ ប្រសិនបើពួកគេឆ្លងមេរោគកូវីដ-១៩។
(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
វេជ្ជបណ្ឌិត Maria Carolina Delgado-Lelievre សាស្ត្រាចារ្យជំនួយផ្នែកវេជ្ជសាស្ត្រនៅសាកលវិទ្យាល័យ Miami បាននិយាយថា “ប្រសិនបើអ្នកមានជំងឺវីរុសដែលនឹងបំផ្លាញសួតរបស់អ្នក អ្នកត្រូវការបេះដូងដែលអាចធ្វើការជាមួយនឹងរបៀបដែលរាងកាយរបស់អ្នកឆ្លើយតបនឹងវីរុស”។
(អាន:ថ្នាំងងុយគេង ពេលអ្នកគួរប្រើ)
ប៉ុន្តែសម្រាប់អ្នកដែលមានជំងឺលើសឈាម “កូវីដ-១៩ នឹងបង្កឱ្យមានប្រតិកម្មជាប្រព័ន្ធនៅក្នុងខ្លួន ចំពោះអ្នកជំងឺដែលមានហានិភ័យរួចទៅហើយ” ដោយសារតែសុខភាពបេះដូងខ្សោយ។ នោះមានន័យថា វីរុសអាចវាយប្រហារប្រព័ន្ធសរីរាង្គជាច្រើន។
របាយការណ៍ប្រចាំសប្តាហ៍អំពីអត្រាមរណៈភាពរបស់ CDC ចាប់ពីថ្ងៃទី ១២ ខែកុម្ភៈដល់ថ្ងៃទី ២៨ ខែមីនា បានបង្ហាញថា ៩ ភាគរយនៃអ្នកជំងឺកូវីដ-១៩ នៅសហរដ្ឋអាមេរិក ក៏បានរាយការណ៍អំពីការធ្វើរោគវិនិច្ឆ័យនៃជំងឺសរសៃឈាមបេះដូងផងដែរ។
(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
ជំងឺលើសឈាម គឺជាជំងឺបេះដូងទូទៅបំផុត ហើយប៉ះពាល់ស្ទើរតែពាក់កណ្តាលនៃមនុស្សពេញវ័យជនជាតិអាមេរិកទាំងអស់។ នោះហើយដែលជនជាតិអាមេរិកកាំងប្រមាណ ១០៨ លាននាក់រស់នៅដោយមានជំងឺនេះ៕