កូវីដ-១៩ ៖ អ្នកវិទ្យាសាស្ត្រអាមេរិក … ពន្លឺព្រះអាទិត្យ និងសំណើម អាចជួយសម្លាប់មេរោគបានលឿនរហ័ស

ការពិសោធន៍បង្ហាញថា កាំរស្មីយូវីអាចបំផ្លាញកូវីដ-១៩ ទាំងលើផ្ទៃ និងលើអាកាស ប៉ុន្តែការស្រាវជ្រាវរបស់រដ្ឋាភិបាលអាមេរិកមិនទាន់ត្រូវបានផ្សព្វផ្សាយជាសាធារណៈនៅឡើយទេ។

អ្នកវិទ្យាសាស្ត្រអាមេរិកបាននិយាយថា កូវីដ-១៩ ងាប់លឿនបំផុតនៅពេលវាត្រូវបានប៉ះពាល់នឹងពន្លឺព្រះអាទិត្យដោយផ្ទាល់ ទោះបីជាការសិក្សាដែលបានលើកឡើងមិនទាន់ត្រូវបានផ្សព្វផ្សាយជាសាធារណៈ និងរង់ចាំការវាយតម្លៃពីខាងក្រៅក៏ដោយ។

(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) 

លោក William Bryan ទីប្រឹក្សាវិទ្យាសាស្ត្រ និងបច្ចេកវិទ្យានៃក្រសួងសន្តិសុខមាតុភូមិបានប្រាប់អ្នកយកព័ត៌មាននៅឯសេតវិមានកាលពីថ្ងៃព្រហស្បតិ៍ថា អ្នកវិទ្យាសាស្ត្ររដ្ឋាភិបាលបានរកឃើញថា កាំរស្មីអ៊ុលត្រាវីយូ មានឥទ្ធិពលខ្លាំងទៅលើភ្នាក់ងារបង្កជំងឺ ដោយសង្ឃឹមថាការរាលដាលរបស់វាអាចធូរស្រាលនៅរដូវក្តៅ។

(អាន:ថ្នាំងងុយគេង ពេលអ្នកគួរប្រើ)

លោក Bryan បាននិយាយថា វីរុសនេះបានងាប់យ៉ាងលឿនបំផុតនៅក្នុងវត្តមាននៃពន្លឺព្រះអាទិត្យដោយផ្ទាល់។

លោកបានបន្ថែមថា ការសង្កេតដ៏គួរឱ្យចាប់អារម្មណ៍បំផុតរបស់យើងរហូតមកដល់បច្ចុប្បន្ននេះ គឺជាឥទ្ធិពលដែលពន្លឺព្រះអាទិត្យលេចឡើងលើការសម្លាប់វីរុសទាំងផ្ទៃ និងលើអាកាស។ យើងបានឃើញពីផលប៉ះពាល់ស្រដៀងគ្នាទាំងសីតុណ្ហភាព និងសំណើមផងដែរ ដែលការកើនឡើងសីតុណ្ហភាព និងសំណើម ឬជាទូទៅទាំងពីរមិនអំណោយផលដល់វីរុសទេ។

ប៉ុន្តែ វីរុសកូវីដ-១៩ បានបង្ហាញឱ្យឃើញនូវភាពសាហាវ នៅកន្លែងដែលមានអាកាសធាតុក្តៅដូចជាសិង្ហបុរី ម៉ាឡេស៊ី និងថៃ ដោយធ្វើឱ្យមានសំណួរជាច្រើនអំពីផលប៉ះពាល់នៃកត្តាបរិស្ថាន។

វេជ្ជបណ្ឌិត Margaret Harris មកពីអង្គការសុខភាពពិភពលោកបានប្រាប់ Al Jazeera ថា ភស្តុតាងមិនគាំទ្រទ្រឹស្តី [ពន្លឺព្រះអាទិត្យ] ទេ។

វេជ្ជបណ្ឌិត Harris បាននិយាយថា “ខ្ញុំសុំទោស ប៉ុន្តែយើងមិនអាចសង្ឃឹមថារដូវក្តៅនឹងមានឥទ្ធិពលដែលមនុស្សជាច្រើនសង្ឃឹមថាវានឹងកើតឡើងនោះទេ”។ ការស្រាវជ្រាវដែលដកស្រង់ដោយលោក Bryan មិនទាន់ត្រូវបានចេញផ្សាយសម្រាប់ការត្រួតពិនិត្យឡើងវិញ ដែលធ្វើឱ្យមានការលំបាកសម្រាប់អ្នកជំនាញឯករាជ្យ ដើម្បីផ្តល់យោបល់អំពីវិធីសាស្រ្តរឹងមាំរបស់វា៕