ប្រសិនបើអ្នកមានអារម្មណ៍ធុញថប់ ឬស្ត្រេសនឹងជំងឺកូវីដ-១៩ អ្នកមិននៅម្នាក់ឯងទេ។ កូវីដ-១៩ មានផលប៉ះពាល់យ៉ាងខ្លាំងស្ទើរតែគ្រប់ផ្នែកនៃជីវិតរបស់យើង។ ដោយសារសាលារៀន និងកន្លែងធ្វើការខ្លះត្រូវបានបិទ សម្រាប់ពេលនេះ វាបានបង្កផលប៉ះពាល់ដល់របៀបដែលយើងរស់នៅរាល់ថ្ងៃ។ វាមានការពិបាកក្នុងការផ្លាស់ប្តូរក្នុងរយៈពេលដ៏ខ្លីបែបនេះ។

(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?

វាជារឿងធម្មតាទេដែលអ្នកមានអារម្មណ៍ថប់បារម្ភនៅពេលដែលយើងប្រឈមមុខនឹងវិបត្តិមិនដឹង ឬការផ្លាស់ប្តូរភ្លាមៗ។ វាជាប្រតិកម្មធម្មតាក្នុងការមានអារម្មណ៍ថាត្រូវការសុវត្ថិភាពភាពប្រាកដ ការព្យាករណ៍ទុកជាមុន និងការគ្រប់គ្រង។

(អាន:ថ្នាំងងុយគេង ពេលអ្នកគួរប្រើ)

ការថប់បារម្ភ គឺជាអារម្មណ៍ធម្មតា ហើយវាដើរតួជាសញ្ញាដើម្បីយកចិត្តទុកដាក់ ដូច្នេះយើងអាចការពារខ្លួនយើង។ ការថប់បារម្ភដាស់តឿនយើង។ វាជំរុញយើងឱ្យសម្របខ្លួន។ ប៉ុន្តែនៅពេលដែលយើងមានការថប់បារម្ភខ្លាំងពេក ពេលខ្លះវាអាចបង្កអន្តរាយច្រើនជាងផលល្អ។

នៅពេលដែលការថប់បារម្ភក្លាយជាបញ្ហាលើសលប់ យើងមិនមានលទ្ធភាពអាចប្រឈមនឹងបញ្ហាបានទេ ហើយពេលខ្លះយើងក៏ជាប់គាំង។

ខាងក្រោមនេះគឺជាគន្លឹះមួយចំនួនដែលអាចជួយអ្នកទប់ទល់នឹងការថប់បារម្ភនិងផ្តល់ឱ្យអ្នកនូវអារម្មណ៍នៃការគ្រប់គ្រង សូម្បីតែក្នុងអំឡុងពេលមិនច្បាស់លាស់ក៏ដោយ។

  • ធ្វើតាមដំបូន្មានរបស់អ្នកជំនាញ។ ដំបូងត្រូវដឹងពីអ្វីដែលត្រូវធ្វើ ដើម្បីចៀសវាងការរីករាលដាលនៃមេរោគ។ នេះមិនត្រឹមតែជួយឱ្យអ្នកមានសុវត្ថិភាពប៉ុណ្ណោះទេ វាថែមទាំងផ្តល់ឱ្យអ្នក និងកូនៗនូវអារម្មណ៍នៃការគ្រប់គ្រងបានទៀតផង! អនុវត្តតាមការណែនាំរបស់អ្នកជំនាញដើម្បីសុខភាព និងសុវត្ថិភាព។ លាងដៃរបស់អ្នកឱ្យបានស្អាត និងញឹកញាប់។ រក្សាផ្ទៃនានាឱ្យស្អាត។ នៅផ្ទះ។ រក្សាចម្ងាយសុវត្ថិភាពពីអ្នកដទៃ។ នៅពេលដែលអ្នកធ្វើរឿងទាំងនេះ អ្នកការពារខ្លួនអ្នកគ្រួសារ និងសហគមន៍របស់អ្នក។
  • សម្គាល់ និងទទួលយកអារម្មណ៍របស់អ្នក
  • ទទួលយកការថប់បារម្ភដែលជាអារម្មណ៍មួយក្នុងចំណោមអារម្មណ៍ជាច្រើនរបស់អ្នក។ កុំវិនិច្ឆ័យខ្លួនឯងចំពោះអារម្មណ៍។ មានចិត្តល្អ។ ផ្តល់សិទ្ធិឱ្យខ្លួនឯងក្លាយជាមនុស្ស។
  • រក្សាវានៅក្នុងទស្សនវិស័យ និងកត់សំគាល់ចំណុចល្អ។
  • អនុវត្តការដកដង្ហើម ការសមាធិ និងការហាត់យូហ្កា។
  • រក្សាទំនាក់ទំនងជាមួយមិត្តភក្តិ និងក្រុមគ្រួសារ គឺល្អសម្រាប់អ្នក និងសម្រាប់ពួកគេ។
  • ទោះបីជាយើងស្នាក់នៅនៅផ្ទះក៏ដោយ រកវិធីដើម្បីឱ្យសកម្មរាល់ថ្ងៃ។
  • រក្សាតុល្យភាពរបស់អ្នក និងដឹងថាពេលណាត្រូវស្វែងរកជំនួយ៕