ម៉ាស់ ឬរបាំងមុខអាចជួយបញ្ឈប់ការរីករាលដាលនៃជំងឺកូវីដ-១៩ ក្នុងកាលៈទេសៈត្រឹមត្រូវ។
អ្នកវិទ្យាសាស្ត្ររបស់រដ្ឋាភិបាលកំពុងពិភាក្សាថាតើមនុស្សម្នាគួរតែត្រូវបានជម្រុញឱ្យពាក់ម៉ាសដែរទេ ហើយតើមានភស្តុតាងអ្វីដែលថា វាមានប្រយោជន៍?
(អាន:ថ្នាំងងុយគេង ពេលអ្នកគួរប្រើ)
ហេតុអ្វីបានជាមនុស្សគ្រប់គ្នាមិនពាក់ម៉ាសឥឡូវនេះ?
អង្គការសុខភាពពិភពលោក (WHO) បាននិយាយថា មានតែមនុស្សពីរក្រុមប៉ុណ្ណោះ ដែលត្រូវពាក់ម៉ាស់ការពារ គឺអ្នកដែលមាន ៖
- អ្នកឈឺ និងបង្ហាញរោគសញ្ញា
- អ្នកថែទាំមនុស្សដែលគេសង្ស័យថា មានផ្ទុកមេរោគ។
គេនិយាយថា ម៉ាស់ ឬរបាំងវេជ្ជសាស្រ្តគួរតែត្រូវបានបម្រុងទុកសម្រាប់បុគ្គលិកថែទាំសុខភាព និងគ្រូពេទ្យ។
(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
ម៉ាស់មិនត្រូវបានណែនាំសម្រាប់សាធារណជនទូទៅទេ ពីព្រោះ ៖
- វាអាចចម្លងរោគដោយការក្អក និងកណ្តាស់របស់អ្នកដទៃ ឬនៅពេលអ្នកពាក់ ឬដកវាចេញ
- ការលាងដៃញឹកញាប់ និងការឃ្លាតឆ្ងាយពីសង្គម គឺមានប្រសិទ្ធភាពជាង
- ពួកវាអាចផ្តល់នូវអារម្មណ៍មិនពិតនៃសុវត្ថិភាព។
ទោះយ៉ាងណា មជ្ឈមណ្ឌលការពារ និងគ្រប់គ្រងជំងឺអ៊ឺរ៉ុបនិយាយថា ម់ាស់ ដែលពាក់ដោយសាធារណជនអាចជួយគ្រប់គ្រងការរីករាលដាលនៃការឆ្លងដោយមនុស្សដែលឆ្លង ប៉ុន្តែមិនទាន់មានរោគសញ្ញានៅឡើយ។
(អាន:ថ្នាំងងុយគេង ពេលអ្នកគួរប្រើ)
របាយការណ៍នេះនិយាយថា វាអាចមានប្រយោជន៍ ជាពិសេសនៅក្នុងកន្លែងមមាញឹក មានមនុស្សច្រើន និងកន្លែងបិទជិត ដូចជាហាងលក់ទំនិញ ផ្សារទំនើប ឬនៅពេលប្រើប្រាស់មធ្យោបាយដឹកជញ្ជូនសាធារណៈ។ កូវីដ-១៩ ឆ្លងរាលដាលដោយដំណក់ទឹកដែលអាចបាញ់ទៅលើខ្យល់នៅពេលអ្នកដែលឆ្លងវីរុសនិយាយ ក្អក និងកណ្តាស់។ វត្ថុទាំងនេះអាចចូលក្នុងខ្លួនមនុស្សតាមរយៈភ្នែក ច្រមុះ និងមាត់ដោយផ្ទាល់ ឬបន្ទាប់ពីប៉ះវត្ថុដែលមានជាតិកខ្វក់៕