Join with Health.com.kh on Telegram

សកម្មភាពរាងកាយ រួមបញ្ចូលទាំងសកម្មភាពកម្សាន្ដគ្រប់រូបភាព ការចូលរួមកីឡា ការជិះកង់ និងការដើរ ក៏ដូចជាសកម្មភាពដែលអ្នកធ្វើនៅកន្លែងធ្វើការនិងជុំវិញផ្ទះ និងសួនច្បារ។ វាមិនចាំបាច់ធ្វើលំហាត់ប្រាណ ឬកីឡានោះទេដូចជាការថត់លេង ការរាំរបាំ ការថែសួន និងសូម្បីតែការសម្អាតផ្ទះ និងការដឹកទំនិញធុនធ្ងន់ជាដើម … វាសុទ្ធតែជាសកម្មភាពរាងកាយ។

(អាន:ថ្នាំងងុយគេង ពេលអ្នកគួរប្រើ)

ក្នុងកំឡុងពេលនៃជំងឺរាតត្បាតកូវីដ-១៩ នៅពេលដែលមនុស្សយើងជាច្រើនត្រូវបានដាក់កម្រិតយ៉ាងខ្លាំងនៅក្នុងចលនា ឬនិងការធ្វើដំណើររបស់យើង វាកាន់តែមានសារៈសំខាន់សម្រាប់មនុស្សគ្រប់វ័យ និងសមត្ថភាពឱ្យមានសកម្មតាមដែលអាចធ្វើទៅបាន។

សូម្បីតែការសម្រាកខ្លីពីការអង្គុយដោយការធ្វើចលនារាងកាយ ៣-៥ នាទី ដូចជាដើរ ឬលាតសន្ធឹងនឹងជួយបន្ធូរសាច់ដុំ កាត់បន្ថយភាពតានតឹងផ្លូវចិត្ត និងធ្វើឱ្យចលនាឈាមរត់ និងសកម្មភាពសាច់ដុំប្រសើរឡើង។ ការហាត់ប្រាណទៀងទាត់ ក៏អាចជួយធ្វើឱ្យមានទម្លាប់ល្អ និងជាវិធីរក្សាទំនាក់ទំនងជាមួយគ្រួសារ និងមិត្តភក្តិដែរ។

(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?

ហេតុអ្វីយើងត្រូវការវា?

ការហាត់ប្រាណទៀងទាត់ផ្តល់អត្ថប្រយោជន៍ទាំងរាងកាយ និងចិត្ត។ វាអាចកាត់បន្ថយការឡើងសម្ពាធឈាមខ្ពស់ ជួយគ្រប់គ្រងទម្ងន់ និងកាត់បន្ថយហានិភ័យនៃជំងឺបេះដូង ជំងឺដាច់សរសៃឈាមខួរក្បាល ជំងឺទឹកនោមផ្អែមប្រភេទ ២ និងជំងឺមហារីកផ្សេងៗ។ វាក៏ជួយធ្វើឱ្យឆ្អឹង និងសាច់ដុំរឹងមាំ និងបង្កើនតុល្យភាពភាពបត់បែន និងកាយសម្បទា។

សម្រាប់មនុស្សចាស់ សកម្មភាពដែលធ្វើឱ្យប្រសើរឡើងនូវតុល្យភាព ជួយការពារការដួល និងរងរបួស។

សម្រាប់កុមារ សកម្មភាពរាងកាយទៀងទាត់ជួយគាំទ្រដល់ការលូតលាស់ និងការអភិវឌ្ឍដែលមានសុខភាពល្អ និងកាត់បន្ថយហានិភ័យនៃជំងឺនៅថ្ងៃក្រោយ ហើយតាមរយៈសកម្មភាពទៀងទាត់ កុមារអាចអភិវឌ្ឍជំនាញចលនាមូលដ្ឋាន និងកសាងទំនាក់ទំនងសង្គម។

សកម្មភាពរាងកាយទៀងទាត់ក៏ធ្វើឱ្យប្រសើរឡើងនូវសុខភាពផ្លូវចិត្ត និងអាចកាត់បន្ថយហានិភ័យនៃជំងឺធ្លាក់ទឹកចិត្ត ការថយចុះការយល់ដឹង និងពន្យារពេលការចាប់ផ្តើមនៃជំងឺវង្វេងស្មារតី – និងធ្វើឱ្យប្រសើរឡើងនូវអារម្មណ៍សុខុមាលភាពទូទៅ៕