ប្រទេសកូរ៉េខាងត្បួងកំពុងប្រយុទ្ធប្រឆាំងនឹងវីរុសកូវីដ-១៩ (COVID-19) ដោយពឹងផ្អែកទៅលើបច្ចេកវិទ្យា។ ប្រទេសនេះមានវេទិកាឌីជីថលជឿនលឿនមួយសម្រាប់ការជីកយកទិន្នន័យធំៗ រួមជាមួយបញ្ញាសិប្បនិម្មិត (AI) ហើយជនជាតិកូរ៉េកំពុងនាំមុខគេខាងបច្ចេកវិទ្យានេះ ដោយ Samsung បានប្រកួតប្រជែងយ៉ាងជិតស្និទ្ធជាមួយ Apple.Inc របស់សហរដ្ឋអាមេរិក។
(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
ដោយប្រើប្រាស់ការវិភាគទិន្នន័យធំ ប្រព័ន្ធព្រមានជាមុនបំពាក់ដោយបច្ចេកវិទ្យា AI និងវិធីសាស្រ្តអង្កេតដែលខ្លាំង ប្រទេសកូរ៉េខាងត្បូងបានគ្រប់គ្រងរួចហើយក្នុងការធ្វើឱ្យស្ថានភាពមេរោគឆ្លងនៅក្នុងប្រទេសនេះស្ថិតក្នុងការគ្រប់គ្រងក្នុងរយៈពេលដ៏ខ្លី។
ប្រព័ន្ធទិន្នន័យធំដែលដំណើរការដោយរដ្ឋាភិបាលផ្ទុកព័ត៌មានរបស់ពលរដ្ឋ និងជនបរទេសដែលកំពុងស្នាក់នៅទីនោះ ហើយបញ្ចូលស្ថាប័នរដ្ឋាភិបាល មន្ទីរពេទ្យ សេវាកម្មហិរញ្ញវត្ថុ ប្រតិបត្តិករទូរស័ព្ទចល័ត និងសេវាកម្មផ្សេងៗទៀត។
កូរ៉េខាងត្បូងឈ្នះការប្រយុទ្ធប្រឆាំងនឹងមេរោគកូវីដ-១៩ ដោយប្រើទិន្នន័យធំ និងបច្ចេកវិទ្យា AI
ប្រទេសកូរ៉េខាងត្បូងកំពុងប្រើការវិភាគព័ត៌មាន និងឯកសារយោងដែលផ្តល់ដោយទិន្នន័យរួមបញ្ចូលគ្នានេះ – រាល់ការឆ្លើយតប និងព័ត៌មានពេលវេលាខុសគ្នាទាំងអស់ដែលផលិតដោយវេទិកានេះត្រូវបានបញ្ជូនទៅមនុស្សដែលមានកម្មវិធីផ្អែកលើ AI ផ្សេងៗគ្នា។
នៅពេលដែលមាននរណាម្នាក់ត្រូវបានគេធ្វើតេស្ត៍វិជ្ជមានចំពោះកូវីដ-១៩ ប្រជាជនទាំងអស់ដែលនៅក្បែរនោះត្រូវបានផ្តល់ជូននូវព័ត៌មានលំអិត សកម្មភាព និងសកម្មភាពធ្វើដំណើររបស់អ្នកមានជំងឺរយៈពេលពីរសប្តាហ៍មុនតាមរយៈការជូនដំណឹងតាមទូរស័ព្ទដែលត្រូវបានផ្ញើជាប្រព័ន្ធរុញ។
សេវាសុខភាពដែលគ្រប់គ្រងដោយរដ្ឋាភិបាលទទួលបានព័ត៌មានអំពីទំនាក់ទំនងរបស់បុគ្គលនោះធ្វើឱ្យមានភាពងាយស្រួលក្នុងការតាមដានអ្នកដែលគាត់បានជួបនៅគ្រានោះ ហើយនាំពួកគេទៅធ្វើការសង្កេត និងធ្វើតេស្តសុខភាព។ AI ធានានូវការប្រតិបត្តិជំហានទាំងអស់។ មន្ទីរពេទ្យ សេវាកម្មរថយន្តសង្គ្រោះបន្ទាន់ មន្ទីរពិសោធន៍សាកល្បងចល័ត – ទាំងអស់នេះពឹងផ្អែកលើវិស័យបច្ចេកវិទ្យា ដើម្បីផ្តល់សេវាកម្មរហ័ស និងមានប្រសិទ្ធភាព។
ប្រទេសកូរ៉េខាងត្បូងក៏បានណែនាំការធ្វើតេស្តិ៍មេរោគឆ្លងតាមរយៈការបើកបរ ដែលក្នុងនោះមនុស្សម្នាក់បើកបររថយន្តរបស់គាត់នៅខាងក្នុងមន្ទីរពិសោធន៍ចល័តមួយដើម្បីយកសំណាករបស់គាត់នៅពេលគាត់អង្គុយនៅខាងក្នុងរថយន្ត ហើយទទួលបានលទ្ធផលតេស្តក្នុងរយៈពេលពីរបីនាទី។ ប្រសិនបើរកឃើញថាមានផ្ទុកមេរោគពួកគេត្រូវនៅដាច់ឆ្ងាយ ហើយយកទៅកន្លែងព្យាបាលឯកទេស៕