អ្នករស់នៅក្នុងសហគមន៍ដែលមានប្រជាជនត្រឹមតែ ១៦ ០០០ នាក់ត្រូវបានបញ្ជាឱ្យស្នាក់នៅក្នុងផ្ទះរបស់ពួកគេ។ វាត្រូវបានគេជឿជាក់ថា នេះជាកន្លែងផ្ទុះឡើងនៃជំងឺកូរ៉ូណាលើប្រទេសអ៊ីតាលី ដែលបានចាប់ផ្តើមនៅថ្ងៃទី ១៨ ខែកុម្ភៈ នៅពេលដែលបុរសអត្តពលកម្មអាយុ ៣៨ ឆ្នាំមានបញ្ហាដកដង្ហើមត្រូវបានគេបង្វែរចេញពីការិយាល័យវេជ្ជបណ្ឌិត និងមន្ទីរពេទ្យក្នុងស្រុកម្តងហើយម្តងទៀតដោយមិនបានធ្វើតេស្ត។ គាត់បានចម្លងមេរោគកូវីដ-១៩ ទៅមនុស្សរាប់សិបនាក់ដោយមិនដឹងខ្លួនក្នុងរយៈពេលជាច្រើនថ្ងៃ។
(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
យោងតាមអ្នកគ្រប់គ្រងមន្ទីរពេទ្យនៅតំបន់នោះ វេជ្ជបណ្ឌិត Lorenzo Casani បាននិយាយថា “យើងដឹងហើយថាអ្នកជំងឺទី ១ ចូល និងចេញយ៉ាងហោចណាស់បីឬបួនដងពីបន្ទប់សង្គ្រោះបន្ទាន់ ដូច្នេះគាត់បានចម្លងវីរុសទៅឱ្យអ្នកជំងឺផ្សេងទៀតព្រមទាំងបុគ្គលិកអ្នកថែរក្សាសុខភាពផងដែរ។
(អាន:ថ្នាំងងុយគេង ពេលអ្នកគួរប្រើ)
នៅប្រទេសអ៊ីតាលី វីរុសបានរាលដាលយ៉ាងឆាប់រហ័សពីទីក្រុងតូចៗនៅភាគខាងជើងដល់ទីក្រុងធំនៃទីក្រុងមីឡាន (Milan)។ បន្ទាប់មក វាបានផ្ទុះឡើង។
វេជ្ជបណ្ឌិត Giacomo Grasselli ដែលដឹកនាំក្រុមទប់ស្កាត់ COVID-19 ក្នុងទីក្រុង Milan បាននិយាយថា “អ្នកដឹងទេ ពីព្រោះយើងកំពុងមើលវាតាមទូរទស្សន៍ពីប្រទេសចិន យើងបានឃើញពួកគេសាងសង់មន្ទីរពេទ្យពីរក្នុងមួយសប្តាហ៍ ហើយខ្ញុំបាននិយាយថា នេះជារឿងឆ្កួតៗ”។
“ឥឡូវ ខ្ញុំយល់ច្បាស់ពីមូលហេតុដែលពួកគេធ្វើដូច្នេះ“។
“វាដូចជាគ្រាប់បែករបស់អ្នកជំងឺដែលបំផ្ទុះ ហើយជារៀងរាល់ថ្ងៃមានអ្នកជំងឺថ្មីចំនួន ៥០, ៦០, ៧០ នាក់ ហើយវាជាបញ្ហាប្រឈមក្នុងការរកកន្លែងសម្រាប់ពួកគេម្នាក់ៗ។ លោកបានមានប្រសាសន៍ថា “ដូច្នេះ វាមិនគួរឱ្យជឿនូវអ្វីដែលកំពុងកើតឡើងហើយវាជាបទពិសោធន៍អាក្រក់ ពិតណាស់ជាបទពិសោធន៍ដ៏អាក្រក់ណាស់”៕