ឧបករណ៍តេស្តរកមេរោគ COVID-19 ដែលមានរយៈពេល ១៥ នាទីនឹងត្រូវដាក់លក់នៅក្នុងប្រទេសជប៉ុនចាប់ពីសប្តាហ៍ក្រោយ។
ក្រុមហ៊ុនផលិតឧបករណ៍វាយនភ័ណ្ឌ និងគីមី Kurabo Industries Ltd បាននិយាយកាលពីថ្ងៃព្រហស្បតិ៍ថា ចាប់ពីសប្តាហ៍ក្រោយនេះ ក្រុមហ៊ុននឹងចាប់ផ្តើមចេញលក់ឧបករណ៍តេស្តសាកល្បងដែលត្រូវបានបង្កើតឡើងដោយក្រុមហ៊ុនចិន ដែលអាចរកឃើញមេរោគថ្មីកូរ៉ូណាវីរុសក្នុងរយៈពេល ១៥ នាទី ពោលគឺលឿនជាងវិធីសាស្ត្របច្ចុប្បន្ន។
(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
អ្នកផលិតបាននិយាយថា ឧបករណ៍នេះប្រើគំរូឈាម និងសារធាតុប្រតិកម្មតិចតួច ដែលត្រូវបានគេរំពឹងថានឹងកាត់បន្ថយពេលវេលា និងការចំណាយ បើប្រៀបធៀបទៅនឹងការធ្វើតេស្តប្រតិកម្មខ្សែសង្វាក់ប៉ូលីមែ (PCR) ដែលបច្ចុប្បន្នត្រូវបានប្រើដើម្បីរកមើលជំងឺរលាកសួត។ ការធ្វើតេស្តិ៍ PCR ចំណាយពេល ៤ ទៅ ៦ ម៉ោងបន្ទាប់ពីការប្រមូលសំណាកពីបំពង់ករបស់អ្នកជំងឺ ឬផ្នែកផ្សេងទៀតនៃរាងកាយ។
ឧបករណ៍របស់ Kurabo នឹងចំណាយពេលតែ ១៥ នាទី ដើម្បីបង្ហាញបន្ទាត់ក្រហមនៅលើបន្ទះសាកល្បង បន្ទាប់ពីយកសំណាកឈាមពីអ្នកជំងឺសង្ស័យដែលត្រូវបានលាយបញ្ចូលគ្នាជាមួយនឹងសារធាតុប្រតិកម្មនៅលើបន្ទះនោះ។ ក្រុមហ៊ុនបាននិយាយថា បន្ទាត់ក្រហមបង្ហាញពីវត្តមានរបស់អង្គបដិប្រាណសម្រាប់វីរុសក្នុងឈាម និងលទ្ធផលតេស្តវិជ្ជមាន។
ឧបករណ៍នេះត្រូវបានបង្កើតឡើងដោយដៃគូអាជីវកម្មរបស់ក្រុមហ៊ុននៅក្នុងប្រទេសចិន ហើយត្រូវបានប្រើប្រាស់ដោយស្ថាប័នវេជ្ជសាស្ត្រចិនរួចហើយ។
ក្រុមហ៊ុន Kurabo គ្រោងនឹងលក់ឧបករណ៍នេះទៅឱ្យស្ថាប័នស្រាវជ្រាវ និងសាកល្បង។ មួយកញ្ចប់មានសមត្ថភាពធ្វើតេស្ត៍ ១០ គំរូ ដែលមានតំលៃប្រហែល ២៤០ ដុល្លារដោយមិនរាប់បញ្ចូលពន្ធ។
(អាន:ថ្នាំងងុយគេង ពេលអ្នកគួរប្រើ)
ក្រុមហ៊ុនបាននិយាយថា វានឹងត្រូវដាក់លក់ចាប់ពីថ្ងៃច័ន្ទ ហើយមិនដូចការធ្វើតេស្ត PCR បច្ចុប្បន្នទេ វាក៏មានប្រសិទ្ធភាពក្នុងការរកឃើញវីរុសចំពោះអ្នកជំងឺនៅដំណាក់កាលដំបូងនៃជំងឺនេះដែរ។ គេមានគោលបំណងផ្គត់ផ្គង់ឧបករណ៍ឱ្យបានគ្រប់គ្រាន់សម្រាប់សមត្ថភាពសរុបចំនួន ១ ម៉ឺនតេស្តក្នុងមួយថ្ងៃ៕
ប្រភព www.japantimes.co.jp
