នៅក្នុងសញ្ញាមួយ វាមិនចាំបាច់ធ្វើអ្វីបន្ថែមទៀត ដើម្បីធ្វើឱ្យមនុស្សស្លាប់នៅអឺរ៉ុបនោះទេ ពេលនេះក្រុមរដ្ឋឥស្លាម (ISIS) កំពុងតែណែនាំដល់យុទ្ធជនរបស់ខ្លួនឱ្យបញ្ចៀសទ្វីបនេះដោយសារមេរោគនេះ។

ព្រឹត្តិប័ត្រព័ត៌មានអាល់-ណាបាដែលផលិតចុងក្រោយរបស់ ISIS បានចេញសេចក្តីណែនាំដោយជំរុញឱ្យសមាជិកដែលមានសុខភាពល្អរបស់ខ្លួនមិនត្រូវចូលទៅក្នុង “ទឹកដីនៃការរាលដាលវីរុសកូវីដ-១៩” ដើម្បីចៀសវាងការឆ្លងមេរោគ។

ប៉ុន្តែក្រុមជីហាដដែលមានជំងឺរួចហើយនៅក្នុងទ្វីបអឺរ៉ុបគួរតែស្នាក់នៅទីនោះ នេះបើយោងតាមកាសែត New York Post បានរាយការណ៍។

កាសែត Sunday Times នៃទីក្រុងឡុងដ៍បានរាយការណ៍ជាលើកដំបូងនៅលើព្រឹត្តិប័ត្រព័ត៌មាន។

រឿងកំប្លែងផ្សេងទៀតតាមអ៊ិនធើណេតបានកត់សម្គាល់ថា សមាជិក ISIS ឥឡូវនេះអាចធ្វើការពីផ្ទះ អត្រាសម្លាប់ដោយមេរោគខ្ពស់ជាងការខិតខំរបស់ ISIS ហើយវីរុសនេះកំពុងផ្លាស់ប្តូរការងាររបស់ភេរវករក្រៅពីអាជីពធម្មតា ដែលរងការវាយប្រហារដោយការធ្លាក់ចុះសេដ្ឋកិច្ច ដែលបណ្តាលមកពីការផ្ទុះឡើងនៃវីរុសនេះ។

ការចុះផ្សាយពត៌មានពេញមួយទំព័រនៅលើក្របក្រោយនៃព្រឹត្តិប័ត្រព័ត៌មាននេះក៏មានបញ្ចូលបញ្ជីជំនួយដែលណែនាំពួកសកម្មប្រយុទ្ធអំពីវិធីបញ្ឈប់ការរីករាលដាលនៃរោគរាតត្បាត។

សមាជិក ISIS ត្រូវបានគេណែនាំឱ្យ “គ្របមាត់នៅពេលដែលស្ងាប និងកណ្តាស់” និងលាងដៃឱ្យបានញឹកញាប់ ជាជាងទុកចិត្តលើព្រះ ហើយស្វែងរកទីពឹងលើទ្រង់ពីជំងឺ។

អ្នកដែលជឿជាក់ថាពួកគេអាចឆ្លងវីរុសត្រូវបានគេប្រាប់ឱ្យនៅឆ្ងាយពីតំបន់ដែលស្ថិតក្រោមការគ្រប់គ្រងរបស់ ISIS និងបំពេញនូវកាតព្វកិច្ចដ៏ពិសិដ្ឋក្នុងការទទួលយកបុព្វហេតុនៃការការពារពីជំងឺ និងជៀសវាងពួកវា៕

ប្រភព ៖ https://mothership.sg/2020/03/isis-covid-19/