ការតាមដានការលូតលាស់ កម្ពស់ និងទម្ងន់នៃទារកទើបនឹងកើត ផ្តល់ឲ្យគ្រូពេទ្យរបស់អ្នកនូវអារម្មណ៍ទូទៅដែលថា កូនរបស់អ្នកកំពុងតែមានសុខភាពល្អ។

នៅពេលដែលទារកមិនឡើងទម្ងន់ក្នុងកម្រិតណាមួយដែលមានសុខភាពល្អ នោះគេអាចត្រូវបានគេធ្វើរោគវិនិច្ឆ័យថាមានជំងឺមួយ ដែលគេហៅថា ការមិនឡើងទម្ងន់ (ឬការមិនលូតលាស់)។

(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?

ជាធម្មតា វាអាចកើតឡើង ប្រសិនបើអ្នកមិនបានញ៉ាំអាហារល្អៗគ្រប់គ្រាន់ ឬគេមិនស្រូបយក ឬប្រើសារធាតុចិញ្ចឹមឲ្យបានត្រឹមត្រូវ។ វាអាចបណ្តាលមកពីបញ្ហាចំណីអាហារ បញ្ហាក្រពះពោះវៀន ឬស្ថានភាពជំងឺមួយចំនួនផ្សេងទៀត។

(អាន:ថ្នាំងងុយគេង ពេលអ្នកគួរប្រើ)

អ្នកផ្តល់សេវាថែទាំសុខភាពនឹងរក្សាការយកចិត្តទុកដាក់លើការឡើងទម្ងន់របស់ទារក ពីព្រោះអាហាររូបត្ថម្ភល្អមានសារៈសំខាន់ខ្លាំងណាស់ សម្រាប់ការអភិវឌ្ឍផ្នែករាងកាយ និងផ្លូវចិត្តរបស់ពួកគេ។

ខណៈពេលដែលអ្នកស្ថិតនៅក្នុងមន្ទីរពេទ្យ គ្រូពេទ្យ ឬគិលានុបដ្ឋាយិកានឹងថ្លឹងទម្ងន់ទារកអ្នកនៅពេលទារកកើត ហើយរាល់ ២៤ ម៉ោងក្រោយពេលកើត។ ទារករបស់អ្នកនឹងត្រូវបានថ្លឹងម្តងទៀតនៅពេលអ្នកចូលមកជួបគ្រូពេទ្យជាលើកដំបូង (ជាធម្មតានៅសប្តាហ៍ទី ១ បន្ទាប់ពីអ្នកចាកចេញពីមន្ទីរពេទ្យ ហើយម្តងទៀតនៅពេលទារកអ្នកមានអាយុពី ១០ ទៅ ១៤ ថ្ងៃ) ហើយនឹងការទៅពិនិត្យសុខភាពកូនក្មេងរបស់អ្នកអំឡុងពេល ១ ឆ្នាំដំបូង។ ការវាស់ទាំងនេះត្រូវបានកត់ត្រានៅលើតារាងកំនើនទម្ងន់ និងកម្ពស់របស់កូនអ្នក។

ប្រសិនបើទារករបស់អ្នកកំពុងមានបញ្ហាសុខភាព រួមទាំងការស្រកទម្ងន់ដែលមិនបានរំពឹងទុក ឬជំងឺខាន់លឿង អ្នកប្រហែលជាត្រូវទៅជួបគ្រូពេទ្យញឹកញាប់ជាងមុន ក្នុងរយៈពេលពីរបីសប្តាហ៍ដំបូង៕