ការដកដង្ហើមក្នុងខ្យល់អាកាសបំពុល មិនមែនជាអ្វីដែលមនុស្សគ្រប់គ្នាចង់បាននោះទេ ហើយវារឹតតែគ្រោះថ្នាក់ ប្រសិនបើអ្នកកំពុងមានផ្ទៃពោះ។
(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
អ្នកស្រាវជ្រាវជាន់ខ្ពស់ លោក Noel Mueller និយាយថា “ការរកឃើញពីការសិក្សារបស់យើងគឺជាភស្តុតាងមួយផ្សេងទៀតដែលបង្ហាញថា ការប៉ះពាល់នឹងខ្យល់កខ្វក់ អាចប៉ះពាល់ដល់សុខភាពស្ត្រីជាម្តាយ ហើយថែមទាំងអាចប៉ះពាល់ដល់សុខភាពទារកផងដែរ”។
(អាន:ថ្នាំងងុយគេង ពេលអ្នកគួរប្រើ)
ក្រុមស្រាវជ្រាវរបស់លោក Mueller បានរកឃើញថា កុមារដែលត្រូវបានប៉ះពាល់ទៅនឹងកម្រិតខ្ពស់បំផុតនៃការបំពុលខ្យល់អាកាសក្នុងដំណាក់កាលចុងក្រោយនៃការមានផ្ទៃពោះ គឺមានអត្រា ៦១ ភាគរយ ហាក់ដូចជាមានសម្ពាធឈាមខ្ពស់ជាងអ្នកដែលប៉ះពាល់នឹងការបំពុលតិចបំផុត។
លោក Mueller បាននិយាយបន្ថែមថា ស្ត្រីមានផ្ទៃពោះគួរតែគិតអំពីបញ្ហានេះ ហើយគួរព្យាយាមជៀសវាងការរស់នៅ និងប៉ះពាល់ជាមួយនឹងខ្យល់អាកាសមិនស្អាតល្អ។
ចំហេះពីឡាន ប្រេងធ្យូងថ្ម ឬឈើ អាចបង្កើតជាបំណែកតូចៗ ដែលយើងមើលមិនឃើញ ប៉ុន្តែ ភាគល្អិតទាំងនេះអាចរត់ចូលក្នុងប្រព័ន្ធឈាមរត់ និងនាំឲ្យមានបញ្ហាសុខភាពចំពោះម្តាយ និងកូន៕