Join with Health.com.kh on Telegram

កង្វះវីតាមីន C អាចបណ្តាលឲ្យអស់កម្លាំង ស្លេកស្លាំង ងាយរលាកច្រមុះ និងហូរឈាមតាមអញ្ចាញធ្មេញ។ អ្នកក៏អាចកត់សម្គាល់ឃើញការឆ្លងមេរោគញឹកញាប់ ការជាពីរបួសយឺតយ៉ាវ និងការរលាក ហើយឈឺសន្លាក់។ កង្វះវីតាមីន C ក៏អាចទទួលខុសត្រូវចំពោះបញ្ហាសក់ស្ងួត និងចុងបញ្ចប់គឺការស្រកទម្ងន់ ហើយស្បែកស្ងួត។

(អាន:ថ្នាំងងុយគេង ពេលអ្នកគួរប្រើ)

វីតាមីន C គឺជាវីតាមីនអង់ទីអុកស៊ីដង់មួយក្នុងចំនោមវីតាមីនទាំងនេះ ដែលតែងតែត្រូវបានគេយកចិត្តទុកដាក់។ មិនគួរឲ្យភ្ញាក់ផ្អើលទេដែលថា សារធាតុចិញ្ចឹមមួយនេះដើរតួនាទីយ៉ាងសំខាន់ក្នុងការរីកលូតលាស់ធម្មតា ក៏ដូចជាការជួសជុលជាលិកានៅក្នុងខ្លួនរបស់អ្នក។

(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?

អ្នកត្រូវការវីតាមីន C សម្រាប់បង្កើតកូឡាជែន និងអាស៊ីតអាមីណូនៅក្នុងខ្លួនរបស់អ្នក។ វាជួយកសាងជាលិកានៅលើស្បែក សរសៃពួរ សាច់ដុំ ឆ្អឹងខ្ចី និងសរសៃឈាម។ វីតាមីន C ក៏ជួយរក្សាឆ្អឹង និងធ្មេញរបស់អ្នកឲ្យមានសុខភាពល្អ និងជំរុញការព្យាបាលមុខរបួស និងការស្រូបយកជាតិដែក។

ចូរក្រឡេកមើលសញ្ញាព្រមានដែលបញ្ជាក់ថា អ្នកកំពុងខ្វះវីតាមីន C ហើយ ៖

១. អស់កម្លាំង
២. ងាយរលាក និងបង្ករោគក្នុងរាងកាយ
៣. ការហូរឈាមច្រមុះ
៤. ហូរឈាមក្រពះ ឬអញ្ចាញធ្មេញ
៥. ខ្វះឈាម
៦. ងាយនឹងទទួលការឆ្លងជំងឺ
៧. ការជាសះស្បើយមុខរបួសយឺត
៨. សក់ស្ងួត និងបែកចុង
៩. ការស្រកទម្ងន់
១០. ស្បែកស្ងួត ហើយរដិបរដុប
១១. ឈឺ និងហើមនៅក្នុងសន្លាក់របស់អ្នក
១២. ខ្សោយ និងឈឺធ្មេញ៕