ថ្នាំប៉ារ៉ាសេតាម៉ុល (Paracetamol) គឺជាថ្នាំដែលគេប្រើជាទូទៅ ដែលវាអាចព្យាបាលការឈឺចាប់ និងបន្ថយសីតុណ្ហភាពខ្ពស់។

(អាន:ថ្នាំងងុយគេង ពេលអ្នកគួរប្រើ)

ជាទូទៅ ថ្នាំប៉ារ៉ាសេតាម៉ុល ត្រូវបានគេប្រើដើម្បីបំបាត់ការឈឺចាប់កម្រិតស្រាល ឬមធ្យម ដូចជាការឈឺក្បាល ការឈឺធ្មេញ ឬគ្រុន និងបន្ថយកម្តៅក្តៅដែលបណ្តាលមកពីជំងឺដូចជាផ្តាសាយ និងគ្រុនផ្តាសាយ។

(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)

ថ្នាំប៉ារ៉ាសេតាម៉ុល ត្រូវបានគេណែនាំជាញឹកញាប់ថា ជាការព្យាបាលដំបូងសម្រាប់ការឈឺចាប់ ព្រោះវាមានសុវត្ថិភាពសម្រាប់មនុស្សភាគច្រើន ហើយផលប៉ះពាល់ គឺកម្រណាស់។

ប្រភេទប៉ារ៉ាសេតាម៉ុល
អ្នកអាចទិញប្រភេទថ្នាំប៉ារ៉ាសេតាម៉ុលភាគច្រើនពីផ្សារទំនើប ឬឱសថស្ថាន។ ប្រភេទមួយចំនួនអាចប្រើបានតាមវេជ្ជបញ្ជាប៉ុណ្ណោះ។

ថ្នាំប៉ារ៉ាសេតាម៉ុល អាចរកបានជា ៖

1. ថ្នាំគ្រាប់មូល ឬទ្រវែង
2. ថ្នាំទឹក – ជាធម្មតាសម្រាប់កុមារ
3. ថាំរលាយ (ថ្នាំដែលរលាយក្នុងទឹកដើម្បីផឹក)
4. ថ្នាំគ្រាប់ស៊ុល (គ្រាប់បញ្ចូលចូលក្នុងតាមរន្ធគូថ)
5. ការចាក់បញ្ចូលទៅក្នុងសរសៃឈាម – ជាទូទៅ ត្រូវបានប្រើនៅក្នុងមន្ទីរពេទ្យតែប៉ុណ្ណោះ។

នៅក្នុងផលិតផលមួយចំនួន ដូចជាថ្នាំផ្តាសាយ និងគ្រុនផ្តាសាយ ឬថ្នាំបំបាត់ការឈឺចាប់រួមផ្សំថ្នាំប៉ារ៉ាសេតាម៉ុលត្រូវបានបូកជាមួយគ្រឿងផ្សំផ្សេងៗទៀត។

វាអាចត្រូវបានលក់ក្រោមឈ្មោះថ្នាំប៉ារ៉ាសេតាម៉ុល ឬក្រោមឈ្មោះយីហោផ្សេងៗ (ដែលអាចមានគ្រឿងផ្សំផ្សេងទៀត)៕