ក្នុងករណីភាគច្រើន ការឈឺចាប់អំឡុងពេលមករដូវគឺស្រាលគ្រប់គ្រាន់ក្នុងការព្យាបាលនៅផ្ទះបានដោយខ្លួនឯង។

ថ្នាំបំបាត់ការឈឺចាប់

អ្នកអាចប្រើថ្នាំ Paracetamol, Ibuprofen និង Aspirin ដើម្បីជួយគ្រប់គ្រងការឈឺចាប់របស់អ្នក។
ទោះជាយ៉ាងណាក៏ដោយ មិនត្រូវប្រើថ្នាំ Ibuprofen ឬ Aspirin ប្រសិនបើអ្នកមានជំងឺហឺត ឬក្រពះ តម្រងនោម ឬបញ្ហាថ្លើម។ ថ្នាំ Aspirin មិនគួរផ្តល់ឲ្យអ្នកដែលមានអាយុក្រោម ១៦ ឆ្នាំទេ។

អ្នកក៏អាចសាកល្បងប្រើថ្នាំប៉ារ៉ាសេតាម៉ុលផងដែរ ប៉ុន្តែការស្រាវជ្រាវបានបង្ហាញថា វាមិនអាចបន្ថយការឈឺចាប់ដូចជាថ្នាំ Ibuprofen ឬ Aspirin នោះទេ។

ប្រសិនបើថ្នាំបំបាត់ការឈឺចាប់ធម្មតាមិនមានប្រសិទ្ធភាពទេ គ្រូពេទ្យអាចចេញថ្នាំបំបាត់ការឈឺចាប់ខ្លាំងជាងនេះ ដូចជា Naproxen ឬ Codeine។

រឿងផ្សេងទៀតដើម្បីសាកល្បង

អ្នកក៏អាចសាកល្បងផងដែរ ៖

1. ការឈប់ជក់បារី
2. ការធ្វើលំហាត់ប្រាណ
3. ស្អំដោយកម្តៅ
4. ងូតទឹកក្តៅ ឬងូតទឹកត្រជាក់
5. ម៉ាស្សា
6. សម្រាកកាយ
7. បន្ថយស្ត្រេស៕