ជាគោលការណ៍ណែនាំទូទៅ សូមកុំលើកវត្ថុដែលមានទម្ងន់ធ្ងន់ជាង ១០ គីឡូក្រាមឡើយប្រសិនបើអ្នកមានផ្ទៃពោះ (ទោះបីជាគ្រូពេទ្យរបស់អ្នកប្រហែលជាមិនសូវចាប់អារម្មណ៍នឹងការកំណត់នេះក៏ដោយ អ្នកក៏គួរតែប្រុងប្រយ័ត្នផងដែរ ប្រសិនបើអ្នកធ្លាប់ធ្វើការលើកវត្ថុធ្ងន់រួចមកមុនពេលមានផ្ទៃពោះ)។ ប្រាកដណាស់ អ្នកត្រូវប្រុងប្រយ័ត្ននៅពេលដែលអ្នកលើកវត្ថុធ្ងន់ ៗ ជាពិសេសនៅពេលដែលអ្នកមានផ្ទៃពោះ។
នៅពេលអ្នកមានផ្ទៃពោះ សរសៃចងរបស់អ្នកទន់ខ្សោយ ហើយសន្លាក់របស់អ្នកមិនសូវរឹងមាំដូច្នេះ វាងាយស្រួលក្នុងការធ្វើឲ្យខ្លួនឯងមានរបួស។ នៅពេលដែលពោះរបស់អ្នកលូតលាស់ ទំនាញរាងកាយរបស់អ្នកក៏ផ្លាស់ប្តូរផងដែរ។ នេះវានឹងធ្វើឲ្យសម្ពាធកាន់តែច្រើននៅលើខ្នងខ្នងរបស់អ្នក និងធ្វើឲ្យវាកាន់តែងាយរងគ្រោះទៅនឹងសម្ពាធ – ជាពិសេស នៅពេលអ្នកកំពុងលើកអ្វីមួយធ្ងន់។
ការដួលរលំយ៉ាងធ្ងន់ធ្ងរ មិនត្រឹមតែមានគ្រោះថ្នាក់ដល់អ្នកប៉ុណ្ណោះទេ ប៉ុន្តែ វាក៏អាចបង្ករគ្រោះថ្នាក់ដល់ទារកផងដែរ ដែលអាចឈានទៅដល់ការកើតកូនមិនគ្រប់ខែ ឬមានបញ្ហាជាច្រើនផ្សេងៗទៀត។
ការសិក្សាមួយចំនួនបានលើកឡើងថា ជាញឹកញយ ការលើកវត្ថុធ្ងន់ៗនៅកន្លែងធ្វើការដែលទាមទារកម្លាំងពលកម្មខ្លាំង អាចបង្កើនហានិភ័យនៃការរលូតកូន ។ ការសិក្សាមួយផ្សេងទៀតបានរកឃើញថា ការលើកវត្ថុពី ១១ ទៅ ២២ គីឡូក្រាម អំឡុងពេលមានផ្ទៃពោះដំបូង អាចត្រូវបានផ្សារភ្ជាប់ទៅនឹងហានិភ័យខ្ពស់នៃជំងឺព្រាយក្រឡាភ្លើង៕
