សម្ពាធឈាមធម្មតាគឺតិចជាង ១២០/៨០ (Systolic/Diastolic)។ សម្រាប់មនុស្សដែលមានសុខភាពល្អ សម្ពាធឈាមខ្សោយ គឺមិនមានអាការវអ្វីឡើយ ហើយក៏ច្រើនតែមិនបាច់បារម្ភអ្វីឡើយ ព្រមទាំងត្រូវការព្យាបាលអ្វីដែរ។ ប៉ុន្តែសម្ពាធឈាមដែលខ្សោយអាចជាសញ្ញាមួយនៃជំងឺក្នុងខ្លួន ជាពិសេសមនុស្សចាស់ ដែលវាអាចធ្វើឲ្យលំហូរឈាមទៅខួរក្បាល បេះដូង និងសរសៃឈាមសំខាន់ៗមិនគ្រប់បាន។
ការខ្សោយសម្ពាធឈាមរ៉ាំរ៉ៃដែលគ្មានរោគសញ្ញាភាគច្រើនមិនមែនជារឿងដែលធ្ងន់ធ្ងរទេ។ ប៉ុន្តែបញ្ហាសុខភាពអាចើតឡើងនៅពេលសម្ពាធឈាមធ្លាក់ចុះភ្លាមៗ ហើយខួរក្បាលកង្វះការផ្គត់ផ្គង់ឈាម។ រឿងនេះអាចនាំឲ្យវិលមុខ ឬធីងធោងបាន។ ការដែលសម្ពាធឈាមចុះទាបភ្លាមៗ ភាគច្រើនកើតឡើងជាញឹកញាប់លើអ្នកដែលងើបឈពីការគេង ឬអង្គុយលឿន។ រឿងនេះត្រូវបានគេហៅថា Postural Hypotension ឬ Orthostatic Hypotension។ ប្រភេទនៃសម្ពាថឈាមខ្សោយមួយទៀត អាចកើតឡើងនៅពេលមនុស្សម្នាក់ក្រោកឈររយៈពេលយូរ។ ករណីនេះហៅថា Neural Mediated Hypotension។ រឿងនេះគឺងាយនឹងធ្វើឲ្យសន្លាប់ ឬហៅថា ខ្យល់គ។
ការប្រឈមនឹងការខ្សោយសម្ពាធឈាមទាំងពីរប្រភេទនេះជាធម្មតានឹងកើនឡើងនៅពេលអាយុកាន់តែច្រើន ដោយសារតែផ្នែនៃការប្រែប្រួលធម្មតាទាំងឡាយក្នុងខ្លួនតែម្តង។ លើសពីនេះទៅទៀត លំហូរឈាមទៅសាច់ដុំបេះដូង និងខួរក្បាលនឹងថយចុះនៅពេលអាយុកាន់តែច្រើន ដែលរឿងនេះច្រើនតែបណ្តាលមកពីកំណកឈាមកើនឡើងក្នុងសរសៃឈាម។
មូលហេតុដែលនាំឲ្យសម្ពាធឈាមខ្សោយគឺមិនទាន់ច្បាស់នៅឡើយទេ តែវាប្រហែលជាជាប់ទាក់ទងនឹងរឿងដូចខាងក្រោមនេះ៖
- ការមានផ្ទៃពោះ
- បញ្ហាអ័រម៉ូនដូចជា ក្រពេញទីរ៉ូអ៊ីតមានតិច ជំងឺទឹកនោមផ្អែម ឬកង្វះជាតិស្ករក្នុងឈាម
- ការប្រើថ្នាំគ្មានវេជ្ជបញ្ជាមួយចំនួន
- ថ្នាំមានវេជ្ជបញ្ជាដូចជា ថ្នាំបញ្ចុះសម្ពាធឈាម ថ្នាំបាក់ទឹកចិត្ត ឬថ្នាំព្យាបាលជំងឺ Parkinson’s
- បេះដូងលោតខុសចង្វាក់
- សរសៃឈាមរីកធំ
- ក្តៅខ្លាំងពេក
- ជំងឺថ្លើម៕