ជាតិស្ករក្នុងឈាមទាប មានន័យថា កម្រិតស្ករនៅក្នុងឈាមរបស់អ្នកធ្លាក់ចុះទាបពេក។

វាមានឥទ្ធិពលលើមនុស្សដែលមានជំងឺទឹកនោមផ្អែម ជាពិសេស ប្រសិនបើអ្នកប្រើអាំងស៊ុយលីន។

ជាតិស្ករក្នុងឈាមទាប អាចបង្ករគ្រោះថ្នាក់ ប្រសិនបើវាមិនត្រូវបានព្យាបាលភ្លាមៗទេ ប៉ុន្តែអ្នកក៏អាចព្យាបាលវាដោយខ្លួនអ្នកបានយ៉ាងងាយស្រួល។

រោគសញ្ញានៃជាតិស្ករក្នុងឈាមទាប

ជាតិស្ករក្នុងឈាមទាប បណ្តាលឲ្យមានរោគសញ្ញាផ្សេងៗគ្នាសម្រាប់មនុស្សគ្រប់គ្នា។

សញ្ញាដំបូងៗនៃជាតិស្ករក្នុងឈាមទាបរួមមាន ៖

1. មានអារម្មណ៍ថាឃ្លាន
2. ញើស
3. ស្កៀបៗបបូរមាត់
4. មានអារម្មណ៍ញ័រ ឬភ័យញ័រ
5. វិលមុខ
6. មានអារម្មណ៍ថាអស់កម្លាំង
7. ចង្វាក់បេះដូងលោតលឿន ឬបុកខ្លាំង
8. ឆាប់ខឹង
9. ហូរទឹកភ្នែក
10. ស្លេក
11. សន្លប់៕