តើអត្ថប្រយោជន៍អ្វីខ្លះ ដែលអ្នកនឹងទទួលបានពីការញ៉ាំផ្លែល្មើ?

ល្មើ ត្រូវបានគេស្គាល់ថា អាចកម្តៅរាងកាយរបស់អ្នក ហើយវាជាមូលហេតុដែលមនុស្សជាច្រើនចូលចិត្តញ៉ាំល្មើក្នុងរដូវត្រជាក់។ ដូច្នេះ តើអ្នកអាចបរិភោគវា នៅរដូវក្តៅបានទេ? ចម្លើយ នោះគឺពិតជាបាន។

ល្មើ ត្រូវបានគេចាត់ទុកថា មានប្រយោជន៍ក្នុងការការពារមហារីកពោះវៀន។ មនុស្សដែលជាអ្នកដើរតាមសាសនាអ៊ីស្លាម ហើយតមអាហារនោះ បានជ្រើសរើសយកល្មើ និងទឹកដើម្បីញ៉ាំ។

ល្មើ គឺជាអាហារដែលផ្អែមល្ហែម ហើយអាចជួយសម្រួលដំណើរការរំលាយអាហារបាន។ ដូចគ្នានេះផងដែរ ពួកវាអាចបង្កើនកម្រិតថាមពលរបស់អ្នក ក្នុងរយៈពេលកន្លះម៉ោងបន្ទាប់ពីអ្នកញ៉ាំរួច។

តើអ្នកដឹងទេថា ការញ៉ាំល្មើមួយថ្ងៃមួយគ្រាប់ អាចជួយអ្នករក្សាសុខភាពភ្នែកឲ្យបានល្អប្រសើរ? ពិតណាស់ថា ល្មើ ពិតជាមានប្រសិទ្ធភាពក្នុងការការពារប្រឆាំងនឹងជំងឺខ្វាក់មាន់។

ផលប្រយោជន៍សុខភាពនៃការញ៉ាំល្មើ ៖

១. ពង្រឹងសុខភាពឆ្អឹង
២. ព្យាបាលជំងឺពោះវៀន
៣. ជួយបន្ធូរបន្ថយការទល់លាមក
៤. ព្យាបាលជំងឺស្លេកស្លាំង
៥. បង្កើនការឡើងទម្ងន់
៦. ជំរុញថាមពលរបស់អ្នក
៧. បង្កើនសុខភាពខួរក្បាល
៨. ថែរក្សាប្រព័ន្ធប្រសាទ
៩. ព្យាបាលជំងឺរាក៕