១. បញ្ហាទំនាក់ទំនង
រឿងដំបូងដែលអ្នកត្រូវពិចារណា គឺថាតើអ្នកសប្បាយចិត្តក្នុងទំនាក់ទំនងរបស់អ្នកដែរឬទេ? តើអ្នកមានការសង្ស័យ ឬការព្រួយបារម្ភ ដែលអាចនៅពីក្រោយការបាត់បង់ចំណង់ផ្លូវភេទរបស់អ្នកទេ
ចំណង់ផ្លូវភេទទាបអាចជាលទ្ធផលនៃ ៖
- បាត់បង់ចំណាប់អារម្មណ៍ខាងផ្លូវភេទ
- ជម្លោះមិនទាន់ដោះស្រាយ
- ឈ្លោះគ្នាញឹកញាប់
- ទំនាក់ទំនង និងភាពស្និទ្ធស្នាលខ្សោយទៅៗ
- ពិបាកជឿទុកចិត្តគ្នាទៅវិញទៅមក
- បញ្ហាផ្លូវភេទទូទៅ។
វាអាចនឹងមានប្រយោជន៍ច្រើន ក្នុងការអានអត្ថបទណែនាំនានា អំពីការថែរក្សាចំណង់ផ្លូវភេទ ហើយនិយាយអំពីបញ្ហារួមភេទនេះជាមួយដៃគូរបស់អ្នក។
គ្រូពេទ្យរបស់អ្នកអាចនឹងបញ្ជូនអ្នក និងដៃគូរបស់អ្នក ទៅកាន់អ្នកប្រឹក្សាយោបល់ជំនាញ ប្រសិនបើអ្នកមានបញ្ហាជាបន្តបន្ទាប់ ដែលមិនអាចដោះស្រាយបាន។
២. បញ្ហាផ្លូវភេទ
រឿងមួយទៀតដែលត្រូវពិចារណា គឺថាតើបញ្ហានេះ គឺជាបញ្ហាសុខភាពផ្លូវភេទ ដែលធ្វើឲ្យការរួមភេទពិបាក ឬមិនបំពេញឲ្យគ្នាបាន។
ឧទាហរណ៍ ការរួមភេទតិចអាចជាលទ្ធផលនៃ ៖
- បញ្ហាក្នុងការបញ្ចេញទឹកកាម
- ជំងឺលិង្គងាប់
- ការស្ងួតទ្វារមាស
- ការឈឺពេលរួមភេទ
- អសមត្ថភាពក្នុងការដល់ចំណុចកំពូល
- ការរឹតបន្តឹងទ្វារមាសដោយមិនស្ម័គ្រចិត្ត៕
