Join with Health.com.kh on Telegram

ចម្លើយ គឺវាអាស្រ័យទៅលើការឆ្លងជំងឺកាមរោគដែលអ្នកមាន។

រោគសញ្ញាអាចកើតឡើងក្នុងរយៈពេលពីរបីថ្ងៃ ឬច្រើនសប្ដាហ៍ ប៉ុន្តែ ជួនកាល វាមិនលេចឡើងរហូតដល់ខែ ឬច្រើនឆ្នាំក្រោយមក។

ជារឿយៗ មានរោគសញ្ញាតិចតួច ឬគ្មាន ហើយអ្នកប្រហែលជាមិនដឹងថា អ្នកមានជំងឺកាមរោគទៀតផង។
ប្រសិនបើមានបញ្ហាណាមួយ ឬសង្ស័យថាខ្លួនឯងមានជំងឺកាមរោគ ចូរស្វែងរកសេវាធ្វើតេស្តក្នុងតំបន់ ឬទៅរកគ្រូពេទ្យរបស់អ្នក ដើម្បីពិនិត្យ និងពិគ្រោះយោបល់។

សូមមើលអត្ថបទខាងក្រោមនេះ ដើម្បីទទួលបានព័ត៌មានអំពីរោគសញ្ញាជំងឺកាមរោគទូទៅ។

១. ក្លាមីដ្យា
រោគសញ្ញា ជាធម្មតាកើតឡើងក្រោយពីមួយទៅបីសប្តាហ៍ ប៉ុន្តែ វាអាចចាប់ផ្តើមច្រើនក្រោយមក។ រោគសញ្ញាអាចរួមមាន ៖
• ការហូរទឹករំអិល ឬឈាមចេញពីទ្វារមាស ឬលិង្គ
• ការឈឺចាប់នៅពេលបត់ជើងតូច
• ការហូរឈាមចន្លោះពេលមករដូវ និងអំឡុងពេលរួមភេទ
• ការឈឺចាប់ត្រគាក (ចំពោះស្ត្រី)
• ការឈឺចាប់ពងស្វាស (ចំពោះបុរស)
• ប្រហែល ៥០ ភាគរយនៃបុរស និង ៧០ ភាគរយនៃស្ត្រី មិនមានរោគសញ្ញាអ្វីទាំងអស់។

២. អ៊ែប៉េសប្រដាប់បន្តពូជ
រោគសញ្ញាអាចលេចឡើង ក្រោយពី ៤ ទៅ ៧ ថ្ងៃ ប៉ុន្តែប្រហែលជាមិនអាចចាប់ផ្តើម រហូតដល់ខែ ឬឆ្នាំក្រោយ។ រោគសញ្ញារួមមាន ៖
• ពងបែកតូចៗ ហើយឈឺនៅជុំវិញប្រដាប់បន្តពូជ
• ការឈឺចាប់នៅពេលនោម
• ឈឺ ឬរមាស់នៅជុំវិញប្រដាប់បន្តពូជ
• មនុស្សភាគច្រើនមិនមានរោគសញ្ញាណាមួយឡើយ នៅពេលដែលមានរោគសញ្ញាដំបូង៕