រោគសញ្ញាមួយចំនួនក្នុងកំឡុងពេលមានផ្ទៃពោះ គឺជាលក្ខណៈធម្មជាតិនៃការមានផ្ទៃពោះ ប៉ុន្តែ ក្នុងករណីខុសប្លែកមួយចំនួន វាគឺជាមូលហេតុនៃបញ្ហាសុខភាព ដែលអ្នកត្រូវប្រញាប់ទៅជួបគ្រូពេទ្យ។ តើអ្នកដឹងពីភាពខុសគ្នាដោយរបៀបណា?
អ្នកប្រហែលជាឆ្ងល់ថាតើរោគសញ្ញាអ្វីខ្លះក្នុងពេលមានផ្ទៃពោះ ដែលអ្នកត្រូវយកចិត្តទុកដាក់តាមក្បួនវេជ្ជសាស្ដ្រភ្លាមៗ ហើយរោគសញ្ញាអ្វីខ្លះអាចរង់ចាំរហូតដល់ពេលការពិនិត្យផ្ទៃពោះបន្ទាប់របស់អ្នក។
ចូរសួរគ្រូពេទ្យនៅពេលអ្នកជួបគ្រូពេទ្យពិនិត្យសុខភាពរបស់អ្នក។ ប៉ុន្ដែ សូមចាំថារោគសញ្ញាខ្លះ ត្រូវការការយកចិត្ដទុកដាក់យ៉ាងឆាប់រហ័សជាទីបំផុត ដូចជា ៖
1. ហូរឈាមខុសធម្មតា ឬច្រើនខ្លាំង
2. ចង្អោរ និងក្អួតធ្ងន់ធ្ងរខុសពីរាល់ដង
3. កូនលែងកម្រើក ឬលែងធាក់
4. ការកន្ត្រាក់ស្បូនខ្លាំងដំបូងនៅត្រីមាសទី ៣
5. បែកទឹកភ្លោះ
6. ឈឺក្បាលធ្ងន់ធ្ងរ ឈឺពោះ ឈឺចាប់ មើលមិនសូវឃើញ និងហើម អំឡុងពេលត្រីមាសទីបីរបស់អ្នក
7. រោគសញ្ញាជំងឺគ្រុនផ្តាសាយ៕