អ្នកអាចបន្ថយកូឡេស្តេរ៉ូលអាក្រក់របស់អ្នកបាន ដោយការញ៉ាំអាហារមានសុខភាពល្អ និង មានតុល្យភាព ពោលគឺមានជាតិខ្លាញ់ទាប ព្រមទាំងការធ្វើលំហាត់ប្រាណជាទៀងទាត់ ការមិនជក់បារី និងកាត់បន្ថយជាតិអាល់កុល។

របបអាហារ

ប្រសិនបើអ្នកមានរបបអាហារដែលគ្មានសុខភាពល្អ មានជាតិខ្លាញ់ខ្ពស់ នោះបន្ទះខ្លាញ់ជាច្រើនអាចបង្កើតបាននៅក្នុងសរសៃឈាមអាកទែររបស់អ្នក។ នេះគឺដោយសារអាហារសម្បូរជាតិខ្លាញ់ផ្ទុកកូឡេស្តេរ៉ុល។
អ្នកគួរតែចៀសវាងអាហារដែលមានជាតិខ្លាញ់ឆ្អែត ពីព្រោះវានឹងបង្កើនកម្រិតកូឡេស្តេរ៉ុលអាក្រក់ (LDL) ក្នុងរាងកាយរបស់អ្នក។

អាហារដែលសម្បូរជាតិខ្លាញ់ឆ្អែត ដែលអ្នកគួរចៀសវាង ឬកាត់បន្ថយមានដូចជា ៖

1. សាច់មានជាតិខ្លាញ់ច្រើន
2. សាច់ក្រក និងសាច់សត្វគ្រប់ប្រភេទ
3. ប័រ ឬខ្លាញ់
4. ក្រែម
5. នំមានក្រែម ឬប័រ
6. អាហារដែលមានដូង ឬប្រេងដូង។

ទោះជាយ៉ាងណាក៏ដោយ វាមិនមានសុខភាពល្អ ដើម្បីកាត់បន្ថយជាតិខ្លាញ់គ្រប់ប្រភេទពីរបបអាហាររបស់អ្នកនោះទេ។ វាមានសារៈសំខាន់ក្នុងការជំនួសខ្លាញ់ឆ្អែត ជាមួយនឹងជាតិខ្លាញ់ល្អ។ ពួកគេត្រូវបានគេបង្ហាញថា អាចបង្កើនកម្រិតកូឡេស្តេរ៉ុលល្អ (HDL) និងកាត់បន្ថយការស្ទះសរសៃឈាមអាកទែររបស់អ្នក។

អាហារដែលមានជាតិខ្លាញ់ល្អមាន ៖

1. ត្រីដែលមានខ្លាញ់ដូចជាម៉ាកាឡែល សាលម៉ុង និងត្រីធូណា
2. ផ្លែប័រ
3. គ្រាប់ធញ្ញជាតិ
4. ប្រេងផ្កាឈូករ័ត្ន និងប្រេងអូលីវ៕