ឥឡូវនេះ ខ្ញុំមានផ្ទៃពោះហើយ តើខ្ញុំត្រូវឈប់ផឹកកាហ្វេ និងជៀសវាងប្រភពជាតិកាហ្វេអ៊ីនផ្សេងទៀតឬ?
ប្រសិនបើអ្នកមានផ្ទៃពោះ វាជាគំនិតល្អក្នុងការកម្រិតជាតិកាហ្វេអ៊ីនរបស់អ្នក។ ប៉ុន្តែ វាប្រហែលជាមិនអីនោះទេ? បន្ទាប់ពីការពិភាក្សាជាច្រើនទសវត្ស និងការសិក្សាខុសគ្នានោះ នៅតែមិនទាន់មានចម្លើយច្បាស់លាស់ថាតើជាតិកាហ្វេអ៊ីន មានសុវត្ថិភាពប៉ុណ្ណាក្នុងអំឡុងពេលមានផ្ទៃពោះនោះទេ។
ក្រុមគ្រូពេទ្យឯកទេសស្ត្រី និងសម្ភពបានណែនាំឲ្យស្ត្រីមានផ្ទៃពោះកំណត់ការញ៉ាំជាតិកាហ្វេអ៊ីនតិចជាង ២០០ មីលីក្រាមក្នុងមួយថ្ងៃ ដែលស្មើរនឹងកាហ្វេមួយពែង។
តើការព្រួយបារម្ភអំពីការប្រើប្រាស់ជាតិកាហ្វេអ៊ីនក្នុងពេលមានផ្ទៃពោះគឺជាអ្វី?
នៅពេលដែលអ្នកផឹកកាហ្វេមួយពែង កាហ្វេអ៊ីនឆ្លងកាត់សុកចូលទៅក្នុងទឹកភ្លោះ និងចរន្តឈាមរបស់ទារក។ ខណៈពេលដែលរាងកាយរបស់អ្នកទៅធ្វើការរំលាយអាហារ និងការកម្ចាត់ជាតិកាហ្វេអ៊ីន រាងកាយទារករបស់អ្នកនៅតែត្រូវបានអភិវឌ្ឍ និងចំណាយពេលយូរដើម្បីដំណើរការកាហ្វេអ៊ីន។ ជាលទ្ធផល កូនរបស់អ្នកប្រឈមនឹងឥទ្ធិពលជាតិកាហ្វេអ៊ីនច្រើនជាងអ្នក។
ក្រុមអ្នកស្រាវជ្រាវបន្តព្យាយាមកំណត់ពីឥទ្ធិពលពិតប្រាកដនៃជាតិកាហ្វេអ៊ីនលើទារក និងការមានផ្ទៃពោះរបស់អ្នក។ គ្រូពេទ្យបាននិយាយថា មកទល់ពេលនេះ ការញ៉ាំកាហ្វេអ៊ីនតិចតួច (តិចជាង ២០០ មីលីក្រាម) មិនត្រូវបានគេចាត់ទុកថា ជាមូលហេតុចំបងនៃការរលូតកូន ឬការកើតមិនគ្រប់ខែនោះទេ។ ទោះបីជាយ៉ាងណាក៏ដោយ ការស្រាវជ្រាវមួយបានរកឃើញថា ម្តាយដែលទទួលទានជាតិកាហ្វេអ៊ីនលើសពី ៣០០ មីលីក្រាមក្នុងមួយថ្ងៃ ទំនងជាផ្តល់កំណើតដល់ទារកដែលមានអាយុតិច។
រឿងមួយដែលពិតប្រាកដគឺថា អ្នកនឹងមានអារម្មណ៍ប្រសើរ ប្រសិនបើអ្នកមិនទទួលជាតិកាហ្វេអ៊ីនច្រើនទេ។ វាជាភ្នាក់ងាររំញោចមួយ ដូច្នេះវាអាចបង្កើនអត្រាបេះដូង និងសម្ពាធឈាមរបស់អ្នក។ លើសពីនេះទៅទៀត វាអាចធ្វើឲ្យអ្នកមានអារម្មណ៍ភណ្ឌច្រលំ ហើយបណ្តាលឲ្យអ្នកគេងមិនលក់។ ជាតិកាហ្វេអ៊ីន ក៏អាចនាំឲ្យមានការក្រហាយទ្រូងដោយបង្កឲ្យមានការផលិតអាស៊ីតក្រពះ។
យ៉ាងណាមិញ ប្រសិនបើអ្នកចង់ញ៉ាំកាហ្វេ ឬតែ សូមញ៉ាំវានៅចន្លោះអាហាររបស់អ្នក ដូច្នេះ វានឹងមានឥទ្ធិពលតិចតួច ទៅលើរាងកាយរបស់អ្នក៕