ជាការពិត អ្នកនៅតែអាចមានផ្ទៃពោះម្តងទៀត។ ដូច្នេះ ប្រសិនបើអ្នកមិនចង់មានផ្ទៃពោះ វាជាការល្អបំផុត ដែលអ្នកអាចប្រើវិធីគ្រប់គ្រងកំណើត នៅពេលដែលអ្នកចាប់ផ្តើមរួមភេទម្តងទៀត បន្ទាប់ពីកំណើតទារករបស់អ្នក។

ជាការពិត អ្នកមិនអាចបញ្ចេញពងអូវុលក្នុងរយៈពេលបីបួនខែ (ឬយូរជាងនេះ) ក្រោយពេលសម្រាលកូន ជាពិសេស ប្រសិនបើអ្នកបំបៅកូនដោយទឹកដោះម្តាយ។

តាមការពិត មានបច្ចេកទេសពន្យារកំណើត ដែលហៅថា LAM ដែលផ្អែកលើការសង្កេតមើល ផលិតកម្មទឹកដោះម្តាយ ដែលមាននិន្នាការពន្យារពេលវិលត្រឡប់មកវិញនៅរដូវរបស់អ្នក។

ប៉ុន្តែ ដើម្បីប្រើ LAM ឲ្យបានត្រឹមត្រូវ អ្នកត្រូវបំបៅឲ្យទារកយ៉ាងហោចណាស់ ៤ ម៉ោងក្នុងមួយថ្ងៃ និង ៦ ម៉ោងរៀងរាល់យប់ ហើយមិនត្រូវបំបៅកូនដោយទឹកដោះម្តាយ ជាមួយនឹងទឹកដោះគោឡើយ។

LAM ត្រូវបានគេរាយការណ៍ថាមានប្រសិទ្ធភាព ៩៨ ភាគរយក្នុងកំឡុងពេល ៦ ខែដំបូងក្រោយពេលអ្នកធ្វើតាមច្បាប់នេះបានត្រឹមត្រូវល្អ។

បន្ទាប់ពីរយៈពេល ៦ ខែ អ្នកអាចចាប់ផ្តើមបញ្ចេញអូវ៉ុលម្ដងទៀត នៅពេលណាមួយដោយមិនដឹងខ្លួន។ នោះដោយសារតែខ្លួនរបស់អ្នកទំនងជាបញ្ចេញពងកូនដំបូងរបស់វា មុនពេលដែលអ្នកមានរដូវដំបូង។ ដូច្នេះអ្នកនឹងមិនដឹងថាអ្នកបានបញ្ចេញអូវ៉ុលរហូតដល់ពីរសប្តាហ៍ក្រោយមកនៅពេលអ្នកមានរដូវ។

ស្ត្រីតិចតួចណាស់នៅសហរដ្ឋអាមេរិកពឹងផ្អែកលើ LAM តែឯង ដើម្បីការពារពួកគេពីការមានផ្ទៃពោះ ដោយសារវាជាផ្នែកមួយដែលងាយស្រួលក្នុងការប្រើវិធីពន្យារកំណើតដទៃទៀត។

ប្រសិនបើអ្នកចង់ប្រើការបំបៅកូនដោយទឹកដោះម្តាយ សម្រាប់ផែនការគ្រួសារធម្មជាតិ ចូរពិភាក្សាជាមួយអ្នកពិគ្រោះយោបល់ ឬគ្រូពេទ្យជំនាញរបស់អ្នក៕