មិនមានមតិឯកច្ឆន្ទលើបញ្ហានេះទេ ប៉ុន្តែ វាមិនមែនជាគំនិតអាក្រក់ទេ ក្នុងការប្រុងប្រយ័ត្ននៅពេលនិយាយអំពី “ជាតិកាហ្វេអ៊ីន” ដែលអ្នកទទួលទាន។

ទាំងសាកលវិទ្យាល័យផ្នែកសម្ភព និងរោគស្ត្រី March of Dimes បានក្រើនរំលឹកថា ការកំហិតការទទួលជាតិកាហ្វេអ៊ីនក្នុងពេលមានផ្ទៃពោះ ឲ្យបានតិចជាង ២០០ មីលីក្រាមក្នុងមួយថ្ងៃហាក់ដូចជាមានសុវត្ថិភាពសម្រាប់អ្នក។ នោះគឺប្រហែលជាបរិមាណកាហ្វេមួយ ឬពីរពែងហើយក៏អាស្រ័យទៅលើប្រភេទភេសជ្ជៈផងដែរ (តែ ទឹកក្រូច និងសូកូឡា គឺជាប្រភពដែលមានជាតិកាហ្វេអ៊ីនផ្សេងទៀត)។

ការស្រាវជ្រាវមួយចំនួនបានបង្ហាញថា ស្ត្រីដែលទទួលទានជាតិកាហ្វេអ៊ីនច្រើនជាង ២០០ មីលីក្រាមក្នុងមួយថ្ងៃ មានហានិភ័យខ្ពស់នៃការរលូតកូន ប៉ុន្តែ ការស្រាវជ្រាវស្រដៀងគ្នានេះបង្ហាញផ្ទុយពីនេះទៅវិញ។

ការសិក្សាក៏បានរកឃើញផងដែរថា ស្ត្រីដែលផឹកកាហ្វេច្រើន (ប្រាំបីពែង ឬច្រើនជាងនេះក្នុងមួយថ្ងៃ) មានហានិភ័យទ្វេដងនៃការស្លាប់ទារកនៅក្នុងពោះ។ ហើយអ្នកដែលផឹកកាហ្វេ ៣ ពែងក្នុងមួយថ្ងៃ ទំនងជាមានកូនប្រុសដែលកើតមកមានបញ្ហាលើពងស្វាសរបស់គេទៀតផង។

ប៉ុន្តែ អ្នកឯកទេសភាគច្រើននិយាយថា មិនមានភ័ស្តុតាងគ្រប់គ្រាន់ ដើម្បីធ្វើការសន្និដ្ឋានយ៉ាងច្បាស់លាស់អំពីកាហ្វេអ៊ីន និងការរលូតកូននោះទេ ដូច្នេះ អ្នកវិទ្យាសាស្ត្រនៅតែបន្តស្រាវជ្រាវពីផលប៉ះពាល់នៃជាតិកាហ្វេអ៊ីន អំឡុងពេលមានផ្ទៃពោះ។

ដើម្បីឲ្យមានសុវត្ថិភាព សូមកុំប្រើកាហ្វេអ៊ីនលើសពី ២០០ មីលីក្រាមក្នុងមួយថ្ងៃ៕