សម្ពាធឈាមទាប គឺជាអ្វី? មានគ្រោះថ្នាក់ដែរឬទេ?

មនុស្សជាច្រើនព្រួយបារម្ភអំពីសម្ពាធឈាមទាប (hypotension) ប៉ុន្តែ វាប្រហែលជាមិនចាំបាច់នោះទេ។
មនុស្សខ្លះមានកម្រិតសម្ពាធឈាមទាបជាងធម្មតា។ ជាទូទៅ នេះអាចជាព័ត៌មានដ៏ល្អ – ដោយសារសម្ពាធឈាមទាបរបស់អ្នក អាចធ្វើឲ្យមានការថយចុះហានិភ័យនៃជំងឺដាច់សរសៃឈាមខួរក្បាល ឬជំងឺបេះដូង។ ទោះជាយ៉ាងណាក៏ដោយ ក្នុងករណីមួយចំនួន ការមានសម្ពាធឈាមទាប អាចបណ្តាលឲ្យមានបញ្ហាមួយចំនួនផងដែរ ដូច្នេះ អ្នកប្រហែលជាត្រូវនិយាយជាមួយគ្រូពេទ្យជំនាញរបស់អ្នកហើយ។

តើសម្ពាធឈាមទាប គឺជាអ្វី?\

ការអានដើម្បីកំណត់ថា សម្ពាធឈាមទាប គឺមានកម្រិត 90 / 60mmHg ឬទាបជាងនេះ។
មានតែលេខមួយក្នុងចំណោមលេខទាំងលើ និងក្រោម ត្រូវទាបជាងធម្មតា អាចរាប់ជាការមានសម្ពាធឈាមទាប។ ក្នុងន័យផ្សេងទៀត ៖

• ប្រសិនបើលេខខាងលើ គឺ 90 ឬតិចជាងនេះ (ដោយមិនគិតពីលេខខាងក្រោម) នេះអាចជាសម្ពាធឈាមទាប

• ប្រសិនបើលេខខាងក្រោម 60 ឬតិចជាងនេះ (មិនគិតអំពីលេខខាងលើ) នេះអាចជាសម្ពាធឈាមទាប។

អ្វីដែលបណ្តាលឲ្យសម្ពាធឈាមធ្លាក់ចុះ?

មនុស្សខ្លះមានកម្រិតសម្ពាធឈាមដែលទាបជាងធម្មតា។ នោះគឺមិនមានមូលហេតុជាក់លាក់ឬហេតុផលណាមកបញ្ជាក់នោះទេ។

ទោះជាយ៉ាងណាក៏ដោយ ស្ថានភាពសុខភាពខ្លះ ឬថ្នាំមួយចំនួន អាចបណ្តាលឲ្យអ្នកមានជំងឺខ្វះសម្ពាធឈាម។

សម្ពាធឈាមទាបមានគ្រោះថ្នាក់?

ជាធម្មតា ការមានសម្ពាធឈាមទាប មិនមែនជាមូលហេតុនៃការព្រួយបារម្ភនោះទេ។ ទោះជាយ៉ាងណាក៏ដោយ ជួនកាល សម្ពាធឈាមរបស់អ្នកអាចធ្លាក់ចុះដល់ចំណុចមួយដែលអ្នកអាចមានអារម្មណ៍ថាខ្សោយ ឬវិលមុខ។

ប្រសិនបើអ្នករកឃើញថា សម្ពាធឈាមរបស់អ្នកភ្លាមៗទាបជាងធម្មតា វាអាចមានហេតុផលមួយចំពោះបញ្ហានេះ។ ចូរទាក់ទងទៅកាន់គ្រូពេទ្យរបស់អ្នក៕