Join with Health.com.kh on Telegram

ឈឺផ្សា ពេលបត់ជើងតូច គឺជាអាការៈក្តៅ ក្រហាយ ឬមិនមានផាសុកភាព នៅពេលអ្នកនោម។

(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?

មានមូលហេតុ និងបញ្ហាជាច្រើនដែលបណ្តាលឲ្យអ្នកឈឺបែបនេះ ប៉ុន្តែ កត្តាចំបងនោះ គឺការឆ្លងមេរោគនៅផ្លូវទឹកមូត្រ។ ចំពោះបុរស ការរលាកទ្វារនោម និងជំងឺក្រពេញប្រូស្តាត គឺជាមូលហេតុទីមួយហើយ ដែលបណ្តាលឲ្យអ្នកនោមឈឺ។

(អាន:ថ្នាំងងុយគេង ពេលអ្នកគួរប្រើ)

បញ្ហាសុខភាពដ៏ទៃទៀត ដែលបណ្តាលឲ្យអ្នកឈឺផ្សារពេលបត់ជើងតូច ៖

• គ្រួសក្នុងតម្រងនោម
• ជំងឺប្រមេះ
• រលាកប្លោកនោម
• ការប្រើថ្នាំមួយចំនួន
• ដុះផ្សិត ឬកើតរើម លើប្រដាប់បន្តពូជ
• ការឆ្លងមេរោគនៅតម្រងនោម
• រលាកក្រពេញប្រូស្តាត
• ជំងឺកាមរោគ
• ការប្រើសាប៊ូ ទឹកអប់ ឬគ្រឿងក្រអូបច្រើនពេក
• រលាកផ្លូវទឹកមូត្រ។

យ៉ាងណាមិញ ការឈឺបែបនេះ មិនធ្ងន់ធ្ងរពេកនោះទេ ប៉ុន្តែ អ្នកត្រូវប្រញាប់ទៅជួបគ្រូពេទ្យភ្លាម ប្រសិនបើអ្នក ៖

• ឈឺជាប់មិនបាន
• មានហូរទឹករំអិល ឬអ្វីចេញពីប្រដាប់ភេទ
• នោមឈាម
• មានគ្រុនក្តៅមកជាមួយ
• ឈឺចង្កេះ
• ជាស្រ្តីមានផ្ទៃពោះ៕