ការសម្រាលកូនមុនកំណត់ ជាអាការៈមួយប្រភេទ ដែលទារករបស់អ្នកបានរៀបចំខ្លួន ចេញមកក្រៅមុនកំណត់។
ការសម្រាលកូនមុនកំណត់ ភាគច្រើន កើតឡើង ៣ អាទិត្យ មុនថ្ងៃសម្រាលពិតប្រាកដ។
(អាន:ថ្នាំងងុយគេង ពេលអ្នកគួរប្រើ)
ការសម្រាលបែបនេះ អាចជារឿងគ្រោះថ្នាក់ ប្រសិនបើអ្នក មិនយកចិត្តទុកដាក់នោះទេ ដូច្នេះ យើងខ្ញុំសូមបង្ហាញនូវសញ្ញាព្រមានខ្លះៗ ដែលអាចបញ្ជាក់ថាកូនរបស់អ្នកអាចសម្រាលមុនថ្ងៃ។
(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
• ឈឺចង្កេះ ដែលជាទូទៅ គឺផ្នែកខាងក្រោម ហើយវានឹងមិនបាត់ទៅវិញនោះទេ ទោះបីជាអ្នកស្អំទឹកកក ម៉ាស្សា ឬលេបថ្នាំក៏ដោយ
• មានការកន្ត្រាក់ស្បូន រៀងរាល់ ១០ នាទី ញឹក ឬតិចជាងនេះ
• ឈឺក្នុងពោះ ដូចជា ការឈឺចាប់ពេលមានរដូវ
• មានអារម្មណ៍ថា ចង់ផោម បត់ជើងតូច ឬបត់ជើងធំ
• មានអារម្មណ៍ដូចជាកើតជំងឺផ្តាយសាយ ដូចជា ចង្អោរ ក្អូត ឈឺក្បាល
• ហូរទឹករំអិលចេញពីទ្វារមាស
• ឡើងសម្ពាធនៅអាងត្រគាក ឬប្រដាប់ភេទ
• ហូរឈាមតាមទ្វារមាស។
សូមប្រញាប់ទៅមន្ទីរពេទ្យ ដែលនៅជិតលោកអ្នកជាបន្ទាន់ ប្រសិនបើអ្នកមានសញ្ញាមួយចំនួនដូចរៀបរាប់ខាងលើនេះ៕