វីរុសថ្មីដែលមានគ្រោះថ្នាក់។ មនុស្សរាប់ពាន់នាក់បានឆ្លង។ គ្មានការព្យាបាលទេ។ គ្មានវ៉ាក់សាំងទេ។
ក្នុងរយៈពេល ៥ ឆ្នាំតែឯង ពិភពលោកបានប្រឈមនឹងការផ្ទុះឡើងនៃជំងឺអេបូឡា ហ្ស៊ីកា ហើយពេលថ្មីៗនេះ គឺវីរុសកូរ៉ូណា។
(អាន:ថ្នាំងងុយគេង ពេលអ្នកគួរប្រើ)
វីរុសកូរ៉ូណាបានឆ្លងដល់មនុស្សរាប់ពាន់នាក់ ហើយបានសម្លាប់មនុស្សជាង ២០០ នាក់។
ប៉ុន្តែមិនដូចការផ្ទុះមុនៗទេ ដែលវ៉ាក់សាំងដើម្បីការពារមនុស្សបានចំណាយពេលរាប់ឆ្នាំដើម្បីផលិត ការស្រាវជ្រាវវ៉ាក់សាំងវីរុសកូរ៉ូណាដើម្បីជួយទប់ស្កាត់ការផ្ទុះឡើងនៃជំងឺនេះបានកើតឡើងក្នុងរយៈពេលប៉ុន្មានម៉ោងបន្ទាប់ពីវីរុសត្រូវបានគេកំណត់អត្តសញ្ញាណ។
មន្ត្រីចិនបានបញ្ចេញលេខកូដហ្សែន (genetic code) របស់ខ្លួនយ៉ាងឆាប់រហ័ស។ ព័ត៌មាននោះបានជួយអ្នកវិទ្យាសាស្ត្រកំណត់ថាតើវីរុសនេះប្រហែលជាមកពីណា តើវាអាចប្រែប្រួលយ៉ាងដូចម្តេចនៅពេលមានការរីករាលដាល និងវិធីការពារមនុស្សប្រឆាំងនឹងវា។
(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
ដោយមានភាពជឿនលឿនខាងបច្ចេកវិទ្យា និងការប្តេជ្ញាចិត្តកាន់តែខ្លាំងពីសំណាក់រដ្ឋាភិបាលនានានៅជុំវិញពិភពលោកក្នុងការផ្តល់ថវិការដល់ការស្រាវជ្រាវ មធ្យោបាយស្រាវជ្រាវអាចប្រព្រឹត្តទៅបានយ៉ាងឆាប់រហ័ស។
ល្បឿនមិនធ្លាប់មាន
នៅមន្ទីរពិសោធន៍របស់ Inovio នៅ San Diego អ្នកវិទ្យាសាស្ត្រកំពុងប្រើបច្ចេកវិទ្យាឌីអិនអេប្រភេទថ្មីដើម្បីបង្កើតវ៉ាក់សាំងដែលមានសក្តានុពល។ “INO-4800” អាចជាផែនការសាកល្បងមួយលើមនុស្សជាតិនៅដើមរដូវក្តៅនេះ។ លោកស្រី Kate Broderick អនុប្រធានជាន់ខ្ពស់ផ្នែកស្រាវជ្រាវ និងអភិវឌ្ឍន៍នៅ Inovio បានមានប្រសាសន៍ថា “នៅពេលដែលប្រទេសចិនបានផ្តល់លំដាប់ DNA នៃវីរុសនេះ យើងអាចដាក់វាតាមរយៈបច្ចេកវិទ្យាកុំព្យូទ័រមន្ទីរពិសោធន៍របស់យើង ហើយរចនាវ៉ាក់សាំងក្នុងរយៈពេលបីម៉ោង”៕