យោងតាមអាជ្ញាធរសុខាភិបាលបានឱ្យដឹងថា ចំនួននៃករណីឆ្លងវីរុសនេះបានកើនឡើងដល់ជិត ៨ ពាន់នាក់ ដែលប្រហាក់ប្រហែលទៅនឹងចំនួននៃការឆ្លងមេរោគសរុបនៅទូទាំងពិភពលោកកាលពីការផ្ទុះជំងឺ Sars នៅឆ្នាំ ២០០២-០៣។
តើវាប៉ះពាល់ដល់អ្នកណាជាងគេ?
វីរុសកូរ៉ូណា គឺឆ្លងខ្លាំងបំផុតចំពោះអ្នកជំងឺដែលកំពុងមានជំងឺធ្ងន់ធ្ងរ សុខភាពខ្សោយ ហើយដែលជារឿយៗកើតឡើងក្នុងសប្តាហ៍ទី ២ នៃជំងឺ។
តើអន្តរាគមន៍សុខភាពសាធារណៈមានប្រសិទ្ធភាពអ្វីខ្លះ?
អន្តរាគមន៍សុខភាពសាធារណៈជាច្រើនត្រូវបានធ្វើឡើង ដើម្បីព្យាយាមគ្រប់គ្រងការរីករាលដាលនៃជំងឺ ដែលត្រូវបានរីករាលដាលជាចម្បងតាមរយៈដំណក់ទឹកផ្លូវដង្ហើមនៅលើអាកាស។
អន្តរាគមន៍ទាំងនេះរួមមាន ៖
- ការរកឲ្យឃើញអ្នកមានផ្ទុកវីរុសនេះ
- រក្សាទុកមនុស្សដែលឆ្លងឲ្យនៅដាច់ដោយឡែក
- ការប្រុងប្រយ័ត្នចំពោះការប៉ះពាល់គ្នា និងខ្យល់ដកដង្ហើម
- ការប្រើប្រាស់ឧបករណ៍ការពារផ្ទាល់ខ្លួន រួមទាំងម៉ាសរបាំងមុខ និងស្រោមដៃ
- ដំណើរការពិនិត្យរកមើលវីរុសត្រូវបានធ្វើឡើងនៅតាមអាកាសយានដ្ឋាន ដើម្បីតាមដានការធ្វើដំណើរតាមអាកាសទៅ និងមកពីប្រទេសដែលរងផលប៉ះពាល់។
ទោះបីជាគ្មានករណីណាមួយត្រូវបានគេកំណត់អត្តសញ្ញាណចាប់តាំងពីឆ្នាំ ២០០៤ ក៏ដោយ ក៏មជ្ឈមណ្ឌលគ្រប់គ្រង និងបង្ការជំងឺអាមេរិកនៅតែកំពុងធ្វើការយ៉ាងខ្លាំងក្លាដើម្បីណែនាំពលរដ្ឋទូទៅ និងឆ្លើយតបយ៉ាងរហ័សក្នុងករណីមានវីរុសកើតឡើងម្តងទៀត៕