ពួកវាអាចជួយបានខ្លះ ប៉ុន្តែអ្នកជំនាញនិយាយថា វាសំខាន់ជាងក្នុងការលាងសម្អាតដៃរបស់អ្នកឲ្យបានញឹកញាប់។

អាជ្ញាធរចិនបានលើកទឹកចិត្តប្រជាជននៅទីក្រុងវូហានឱ្យពាក់ម៉ាសវះកាត់ជាសាធារណៈ ដើម្បីជួយទប់ស្កាត់ការរីករាលដាលនៃមេរោគឆ្លងថ្មីនេះ។

(អាន:ថ្នាំងងុយគេង ពេលអ្នកគួរប្រើ)

សំណួរសួរថាតើរបាំងនេះអាចការពារវីរុសកូរ៉ូណាដែរឬទេ?

អ្នកឯកទេសខាងជំងឺឆ្លងជាច្រើននិយាយថា របាំងម៉ាស់ដែលមានតម្លៃថោក គ្របដណ្ដប់លើច្រមុះ និងមាត់អាចជួយការពារខ្លះពីការរីករាលដាលនៃការឆ្លង ប្រសិនបើពួកគេពាក់បានត្រឹមត្រូវ និងប្រើជាប់លាប់។

(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?

អ្នកជំនាញនិយាយថា ប៉ុន្តែមិនមានភស្តុតាងវិទ្យាសាស្ត្រដែលមានគុណភាពខ្ពស់ស្តីពីប្រសិទ្ធភាពរបស់ពួកវានៅខាងក្រៅកន្លែងថែទាំសុខភាពទេ។ ភាគច្រើននៃការសិក្សានៃម៉ាស់នេះ គឺផ្តោតលើរបៀបដែលម៉ាស់វះកាត់នេះអាចការពារគ្រូពេទ្យ ឬបុគ្គលិកថែទាំសុខភាពនៅក្នុងមន្ទីរពេទ្យកុំឱ្យចម្លងមេរោគទៅកាន់អ្នកជំងឺដែលឈឺ ហើយគេបានរកឃើញថាការប្រើប្រាស់នេះអាចជួយពួកគេបាន។

លោកវេជ្ជបណ្ឌិត Julie Vaishampayan ប្រធានគណៈកម្មាធិការសុខភាពសាធារណៈនៃសមាគមជំងឺឆ្លងនៃសហរដ្ឋអាមេរិកបានមានប្រសាសន៍ថា ម៉ាស់របាំងមុខវះកាត់ ពិតជា “ខ្សែការពារចុងក្រោយ”។

លោកស្រីបាននិយាយថា “យើងព្រួយបារម្ភអំពីមនុស្សដែលមានអារម្មណ៍ថា ពួកគេអាចការពារវីរុសបានដោយការពាក់ម៉ាស់”។ ការលាងដៃរបស់អ្នក និងការជៀសវាងមនៅជិតមនុស្សដែលឈឺ គឺមានសារៈសំខាន់ជាងការពាក់ម៉ាស”។ ដោយសារតែម៉ាស់មិនត្រូវបានបំពាក់ ឬបិទជិត វាទុកចន្លោះប្រហោងនៅជុំវិញមាត់ ដូច្នេះអ្នកនឹងមិនត្រងខ្យល់ទាំងអស់ដែលចូលមកទេ៕