ទ្វារមាសស្ត្រី មិនត្រូវការផលិតផលអ្វីជាពិសេសនោះទេ ត្រឹមទឹកធម្មតា ក៏សមល្មមលាងសម្អាតហើយ

ការបាញ់ទឹកលាងទ្វារមាស នឹងធ្វើឲ្យទឹកហូរចូលទៅក្នុងទ្វារមាស ហើយបោសសម្អាតការបញ្ចេញទឹករំអិលរបស់ទ្វារមាស។ ស្ត្រីមួយចំនួនប្រើសាប៊ូ ឬទឹកអនាម័យមានសារធាតុខ្លាំង ដើម្បីសម្អាតទ្វារមាសឲ្យស្អាតល្អ ប៉ុន្តែ ការធ្វើបែបនេះ គឺអាចរំខានដល់បាក់តេរីទ្វារមាស ដូច្នេះ វាមិនត្រូវបានគេណែនាំឲ្យប្រើនោះទេ។

សាស្រ្តាចារ្យជំនាញផ្នែករោគស្ត្រីបានពន្យល់ថា ”ការលាងសម្អាតបែបនេះហាក់ដូចជាគ្មានប្រយោជន៍ទេ ពីព្រោះអ្វីដែលពួកគេធ្វើ គឺលាងសម្អាតអ្វីៗគ្រប់យ៉ាងដែលនៅក្នុងទ្វារមាស រួមទាំងគ្រប់បាក់តេរីដែលមានសុខភាពល្អចំពោះស្ត្រីផងដែរ”។ ការជូតសម្អាតជ្រៅ ឬខ្លាំងៗ ក៏អាចបង្កគ្រោះថ្នាក់ចំពោះទ្វារមាសរបស់ស្ត្រីផងដែរ។

មិនមានភ័ស្តុតាងដែលថា វាអាចការពារប្រឆាំងនឹងជំងឺឆ្លងតាមការរួមភេទ ឬទ្វារមាសនោះទេប៉ុន្តែ វាបែរជាអាចបង្កើនហានិភ័យទៅវិញ។

ផលិតផលបន្ថែមក្លិនក្រអូប ឬទឹកអប់ អាចរំខានដល់តុល្យភាពធម្មជាតិដែលមានសុខភាពល្អរបស់ទ្វារមាស។ សាស្ត្រាចារ្យជំនាញ Lamont និយាយថា “ប្រសិនបើធម្មជាតិចង់ឲ្យទ្វារមាសមានក្លិនដូចផ្កាកុលាប ឬផ្កាឡាវេនឌ័រ វាអាចធ្វើឲ្យទ្វារមាសមានក្លិនបែបនេះបាន”។

ការលាងសម្អាតជាមួយទឹកនិងសាប៊ូធម្មតាគួរតែជាអ្វីដែលអ្នកត្រូវការដើម្បីរក្សាអោយទ្វារមាសរបស់អ្នកមានសុខភាពល្អ។ វាជារឿងធម្មតាទេដែលទ្វារមាសមានក្លិនក្រអូប។ វេជ្ជបណ្ឌិតអេលណេលនិយាយថា “ក្លិនទ្វារមាសអាចផ្លាស់ប្តូរនៅពេលខុសគ្នានៃវដ្តបន្តពូជហើយមិនគួរតែងតែគិតថាជាសញ្ញានៃការឆ្លងឬជំងឺនោះទេ” ។

ប្រសិនបើអ្នកព្រួយបារម្ភអំពីក្លិនទ្វារមាសរបស់អ្នកថាមានក្លិនមិនល្អ ឬអ្នកកំពុងប្រើប្រាស់ផលិតផលទឹកអប់ ដើម្បីគ្របដណ្តប់ក្លិនរបស់ទ្វារមាស អ្នកគួរតែប្រញាប់ទៅជួបគ្រូពេទ្យហើយ។ អ្នកអាចមានការឆ្លងមេរោគ ដែលត្រូវការការព្យាបាល។

មូលហេតុទូទៅបំផុតនៃការហូរទឹករំអិលទ្វារមាសខុសធម្មតា ហើយមានក្លិន គឺការកើតមានមេរោគបាក់តេរី ដែលអាចបង្កឲ្យមានក្លិនបែបនេះ។ វាត្រូវបានគេព្យាបាលយ៉ាងងាយស្រួល ជាមួយនឹងថ្នាំអង់ទីប៊ីយោទិច ដូច្នេះ សូមទៅជួបគ្រូពេទ្យ ប្រសិនបើអ្នកបារម្ភ៕