និយតករទីផ្សារក្រុងប៉េកាំងបាននិយាយកាលពីថ្ងៃពុធថា ឱសថស្ថាននៅក្នុងរដ្ឋធានីចិននឹងត្រូវពិន័យ ៣ លានយ័ន (៤៣៤ ៥៣០ ដុល្លារ) ចំពោះការឡើងថ្លៃម៉ាស់របាំងមុខជិត ៦ ដងនៅលើអ៊ីនធឺរណែត ចំពេលមានការរីករាលដាលនៃវីរុសកូរ៉ូណា។
(អាន:ថ្នាំងងុយគេង ពេលអ្នកគួរប្រើ)
ការផ្ទុះឡើងនៃវីរុសនេះដែលបានចាប់ផ្តើមនៅកណ្តាលទីក្រុងវូហាន កាលពីចុងឆ្នាំមុនបានសម្លាប់មនុស្សចំនួន ១៣២ នាក់ និងជិត ៦០០០ នាក់បានឆ្លងនៅក្នុងប្រទេសចិន។
(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
និយតករបាននិយាយនៅក្នុងសេចក្តីថ្លែងការណ៍មួយនៅលើគេហទំព័ររបស់ខ្លួនថា សេចក្តីជូនដំណឹងស្តីពីការពិន័យរដ្ឋបាលត្រូវបានចេញឱ្យទៅឱសថស្ថាន Beijing Jimin Kangtai សម្រាប់ការដំឡើងថ្លៃម៉ាស់របាំង N95។
ទូរទស្សន៍រដ្ឋបាននិយាយថា ហាងនេះបានដំឡើងថ្លៃម៉ាស់ម៉ាក 3M មួយប្រអប់ដល់ ៨៥០ យ័ន (១២២ ដុល្លារ) ខណៈដែលតម្លៃតាមអ៊ីនធឺរណែត គឺត្រឹមតែ ១៤៣ យ័ន (២០ ដុល្លារ) ប៉ុណ្ណោះ។
សេចក្តីថ្លែងការណ៍បាននិយាយថា ចាប់តាំងពីថ្ងៃព្រហស្បតិ៍មក និយតករបានស៊ើបអង្កេតករណីរំលោភតម្លៃចំនួន ៣១ ដោយវាបានជំរុញការត្រួតពិនិត្យតម្លៃឧបករណ៍ការពារ និងដាក់ទណ្ឌកម្មលើសកម្មភាពខុសច្បាប់ដូចជាការលួចបន្លំ ឬប្រឌិតព័ត៌មានអំពីការដំឡើងថ្លៃ។
រដ្ឋាភិបាលក្រុងបាននិយាយថា នៅក្នុងរដ្ឋធានីពាណិជ្ជកម្មនៃទីក្រុងសៀងហៃនិយតករទីផ្សារក្រុងបានបញ្ជាឱ្យបិទឱសថស្ថានដែលលក់របាំងខុសស្តង់ដារ។
និយតករបានស្នើសុំឱ្យហាងនេះសងប្រាក់វិញដល់អ្នកទិញ និងបោះចោលរបស់ដែលមិនបានលក់ចោល៕