តើវាមានន័យដូចម្តេច បើទារករបស់ខ្ញុំកើតបញ្ច្រាស? អ៊ីចឹង តើគួរធ្វើយ៉ាងណា បើកូនរបស់ខ្ញុំនៅត្រឹងមិនព្រមបង្វិលក្បាលរហូតដល់សប្តាហ៍ទី ៣៧ ហើយនោះ?
នៅប្រហែល ៨ ខែ មិនមានកន្លែងទំនេរច្រើននៅក្នុងស្បូននោះទេ។ ទារកភាគច្រើនបង្កើនកត្តាចង្អៀតរបស់ពួកគេ ដោយធ្វើឲ្យក្បាលចុះក្រោម សម្រាប់ត្រៀមខ្លួនក្នុងការកើតចេញក្រៅ (ក្បាលចេញមុនជើង)។ ប៉ុន្តែ ប្រសិនបើទារករបស់អ្នកមិនព្រមបង្វិលក្បាល មានន័យថាគេត្រៀមខ្លួនចេញគូថ ឬជើងមុនទៅវិញ។
នៅពេលការសម្រាលកូនចាប់ផ្តើមនៅរយៈពេល (៣៧ សប្តាហ៍ ឬច្រើនជាងនេះ) ជិត ៩៧ ភាគរយនៃទារកត្រូវបានកំណត់ឲ្យចេញក្បាលមកមុន។ ហើយនៅសល់ គឺការចេញជើង ឬគូថមកមុន។ ហើយក្នុងករណីដ៏កម្រ ទារកនឹងស្ថិតនៅចំហៀងនៅក្នុងស្បូនជាមួយនឹងស្មា ឬដៃរបស់គេមកមុន។
នៅដើមត្រីមាសទីបីរបស់អ្នក គ្រូពេទ្យរបស់អ្នកអាចប្រាប់ពីទីតាំងដែលទារករបស់អ្នកស្ថិតនៅ។
ប្រសិនបើទីតាំងទារករបស់អ្នកមិនច្បាស់លាស់អំឡុងពេលការពិនិត្យលើពោះនៅសប្តាហ៍ទី ៣៦ គ្រូពេទ្យរបស់អ្នកអាចធ្វើការលូតស្ទាបតាមទ្វារមាសរបស់អ្នក ដើម្បីព្យាយាមរកអ្វីមួយនៃទារកនៅក្នុងឆ្អឹងអាងត្រគាករបស់អ្នក ថាតើវាជាក្បាល ឬជាជើង៕