ការញ៉ាំភេសជ្ជៈប៉ូវកម្លាំងច្រើន មានគ្រោះថ្នាក់ណាស់?

ការទទួលទានភេសជ្ជៈប៉ូវកម្លាំងត្រឹមតែពីរកំប៉ុងក្នុងមួយថ្ងៃ ក៏អាចធ្វើឲ្យសុខភាពរបស់អ្នកមានបញ្ហាបានដែរ … នេះជាសារព្រមានថ្មីមួយទៀត សម្រាប់ពលរដ្ឋទូទៅ។

(អាន:ថ្នាំងងុយគេង ពេលអ្នកគួរប្រើ)

ភេសជ្ជៈប្រភេទនេះមានដាក់ជាតិស្ករ និងកាហ្វេអ៊ីនយ៉ាងច្រើន ដែលវាអាចធ្វើឲ្យ ចង្វាក់បេះដូងលោតខុសពីធម្មតា ហើយសម្ពាធឈាមក៏កើនឡើងទៅតាមនោះដែរ។

កត្តានេះនឹងធ្វើឲ្យអ្នកប្រឈមមុខនឹងជំងឺដាច់សរសៃឈាមខួរក្បាល ឬស្លាប់ភ្លាមៗ ដោយសារគាំងបេះដូង (ហើយផលប៉ះពាល់បែបនេះអាចនឹងកើតឡើងក្រោយពេលអ្នកញ៉ាំវាបានពីរបីម៉ោង)។

(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) 

អ្នកវិទ្យាសាស្រ្តមកពី សាកលវិទ្យាល័យប៉ាស៊ីហ្វិច (Pacific) និងមជ្ឈមណ្ឌលវេជ្ជសាស្រ្ត ដេវីដ ហ្រ្គែន (David Grant) ក្នុងរដ្ឋកាលីហ្វញ៉ាំ បានព្រមានថា ភេសជ្ជៈប៉ូវកម្លាំង អាចជាប់ទាក់ទងទៅនឹងការស្លាប់ភ្លាមៗចំនួន ៣៤ ករណីឡើងទៅនៅក្នុងឆ្នាំ ២០១៤។

សាស្រ្តាចារ្យរងផ្នែកឱសថសាស្រ្ត មកពីសាកលវិទ្យាល័យប៉ាស៊ីហ្វិច (Pacific) បាននិយាយថា ការសិក្សារបស់យើងបានបង្ហាញថា ភេសជ្ជៈប៉ូវកម្លាំងមួយចំនួន នឹងបង្កើនឱកាសនៃការកើតជំងឺផ្សេងៗ ជាពិសេសបញ្ហាបេះដូង នៅពេលដែលអ្នកទទួលទានវាច្រើនពេក។ ខណៈពេលដែលយើងកំពុងតែសិក្សាបន្ត អ្នកចូលចិត្តភេសជ្ជៈទាំងនេះ គួរតែមានការប្រុងប្រយ័ត្ន និងហាត់ប្រាណឲ្យបានទៀងទាត់”៕