ការដួលសន្លប់ដោយសារជំងឺទឹកនោមផ្អែម គឺជាផលវិបាកដែលអាចគំរាមកំហែងដល់អាយុជីវិតបាន។

អាន:ថ្នាំងងុយគេង ពេលអ្នកគួរប្រើ

ប្រសិនបើលោកអ្នកភ្លាត់ស្នៀតដួលសន្លប់បានសេចក្តីថា អ្នកនៅតែមានជិវិតនៅឡើយ ប៉ុន្តែអ្នកមិនដឹងខ្លួន ឬឆ្លើយតបទៅនឹងសំលេង ឬប្រភេទផ្សេងៗទៀតនៃការរំញោចណាមួយបាន ហើយមិនបានព្យាបាលត្រឹមត្រូវ ការដួលសន្លប់ដោយសារជំងឺទឹកនោមផ្អែមអាចបណ្តាលឲ្យស្លាប់បាន។

អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?

ការដួលសន្លប់ ​គឺជាការគួរឱ្យភ័យខ្លាច ប៉ុន្តែជាសំណាងល្អ​ អ្នកអាចមានវិធីដើម្បីជួយបងា្ករការដួលសន្លប់ដោយសារជំងឺទឹកនោមផ្អែមបាន។ ចាប់ផ្តើមដោយការព្យាបាលជំងឺទឹកនោមផ្អែមរបស់អ្នក។ ការមានកម្រិតជាតិស្ករក្នុងឈាមខុសពីកម្រិតធម្មតាខ្លាំងទាំងខ្ពស់ពេក ឬទាំងទាបពេកក្នុងរយៈពេលយូរអាចបង្កឲ្យមានលក្ខខណ្ឌជាច្រើន ដែលទាំងអស់នេះអាចនាំឲ្យមានការដួលសន្លប់បាន។

វាអាចមានមូលហេតុដូចខាងក្រោមនេះ ៖

  • ការលើសជាតិអាស៊ីតក្នុងឈាម ៖ បើសិនជាកោសិកាសាច់ដុំរបស់អ្នកក្លាយជាមិនមានថាមពលសម្រាប់ប្រើប្រាស់ រាងកាយយើងនឹងឆ្លើយតបដោយការបំបែកសារជាតិខ្លាញ់ដែលមានស្តុកទុកស្រាប់ក្នុងកោសិកា។ ដំណើរការនេះបង្កើតជាអាស៊ីតពុលដែលគេស្គាល់ថាជាកេតូន។ មិនបានព្យាបាល វាអាចនាំឲ្យមានការដួលសន្លប់បាន។
  • ឈាមឡើងខាប់ដោយសារតែជាតិស្ករខ្ពស់ពេក ៖ បើកម្រិតជាតិស្ករក្នុងឈាមរបស់អ្នកកើនលើស ៦០០ មីលីក្រាមក្នុងមួយដេស៊ីលីត្រ (mg/dL) ឈាមលក្ខខណ្ឌនេះត្រូវបានគេស្គាល់ថាជា hyperosmolar។ នៅពេលដែលជាតិស្ករក្នុងឈាមរបស់អ្នកខ្ពស់ ឈាមនឹងឡើងខាប់ខ្លាំង។ មិនមានការព្យាបាលទេនោះ វាអាចបណ្ដាលឲ្យបាត់បង់ជាតិទឹកដែលអាចគំរាបដល់អាយុជីវិត ហើយធ្វើឲ្យដួលសន្លប់បាន។
  • ការខ្វះជាតិស្ករក្នុងឈាម ៖ ខួរក្បាលរបស់អ្នកត្រូវការជាតិស្ករ ដើម្បីមានមុខងារបានត្រឹមត្រូវ។ ក្នុងករណីធ្ងន់ធ្ងរ ជាតិស្ករក្នុងឈាមទាបពេកអាចបណ្តាលឲ្យអ្នកដួលសន្លប់បាន។ វាអាចបង្កឡើងដោយការប្រើអាំងស៊ុយលីន ឬការញ៉ាំអាហារតិចពេក ធ្វើលំហាត់ប្រាណខ្លាំងពេក ឬការផឹកជាតិអាល់កុលច្រើនពេក៕