ដង្ហក់ ឬការមានអារម្មរណ៍ថា ដូចជា ដកដង្ហើមមិនបានគ្រប់គ្រាន់ ដែលពាក្យបច្ចេកទេសវេជ្ជសាស្ត្រ គឺ dyspnea ដែលវាទំនងជាមានសភាពផ្សេងៗគ្នា ទៅតាមមនុស្សម្នាក់ៗ ដែលពេលខ្លះ វាត្រូវបានគេពណ៌នាថា ដូចជាការតឹងទ្រូង ឬមានអារម្មណ៍ថា ថប់ដង្ហើម។
អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?
ដោយអាស្រ័យលើមូលហេតុអ្នកអាចជួបប្រទះ ការពិបាកដកដង្ហើមម្តងម្កាល ឬអាចកើតម្តងហើយម្តងទៀត។
អាន:ថ្នាំងងុយគេង ពេលអ្នកគួរប្រើ
ជួនកាល ការធ្វើលំហាត់ប្រាណខ្លាំងពេក ការកើនឡើងសីតុណ្ហភាព ការធាត់ពេក ឬការនៅក្នុងរយៈកម្ពស់មួយខ្ពស់ពេកទាំងអស់នេះ អាចបណ្តាលឲ្យអ្នកពិបាកដកដង្ហើមផងដែរ ចំពោះមនុស្សដែលមានសុខភាពល្អ។
ក្រៅពីឧទាហរណ៍ទាំងនេះ ការពិបាកដកដង្ហើម ទំនងជាសញ្ញានៃបញ្ហាសុខភាពណាមួយ។ ប្រសិនបើអ្នកមានការពិបាកដកដង្ហើម ដែលមិនអាចពន្យល់បាន ជាពិសេសប្រសិនបើវាស្រាប់តែមានភាពធ្ងន់ធ្ងរភ្លាមៗ សូមជួបគ្រូពេទ្យរបស់អ្នកឲ្យបានឆាប់តាមដែលអាចធ្វើទៅបាន។
ស្វែងរកការសង្គ្រោះបន្ទាន់ ប្រសិនបើអ្នកធ្លាប់មានការពិបាកដកដង្ហើមធ្ងន់ធ្ងរ ដែលស្រាប់តែកើតមានភ្លាមៗ ហើយប៉ះពាល់ដល់សមត្ថភាពក្នុងការរស់នៅរបស់អ្នក។
ចូរស្វែងរកការព្យាបាលសង្គ្រោះបន្ទាន់ ប្រសិនបើការពិបាកដកដង្ហើមរបស់អ្នក គឺត្រូវបានអមដោយការឈឺទ្រូង ដួលសន្លប់ ឬចង្អោរ ដែលទាំងនេះអាចជាសញ្ញានៃការគាំងបេះដូង ឬអាចជាការស្ទះសរសៃឈាមសួតជាដើម៕