ការមានឈាមកកនៅក្នុងខួរក្បាល អចកើតឡើងនៅពេលដែលសរសៃឈាមខួរក្បាល ត្រូវបានបែកធ្លាយនៅក្នុងខួរក្បាល ឬនៅចន្លោះរវាងឆ្អឹងក្បាល និងខួរក្បាល។ ការកកផ្តុំគ្នានៃឈាមនេះ អាចសង្កត់ទៅលើជាលិកាខួរក្បាលរបស់អ្នក។

រោគសញ្ញានៃការមានឈាមកកនៅក្នុងខួរក្បាល អាចបញ្ជាក់ឲ្យដឹងភ្លាមៗ បន្ទាប់ពីការប៉ះទង្កិចទៅលើក្បាល ឬអាចប្រើពេលវេលាច្រើនសប្តាហ៍ ឬយូរជាងនេះ ដើម្បីបង្ហាញឡើងនូវរោគសញ្ញា។ ទោះជាយ៉ាងណា ការមានសម្ពាធទៅលើខួរក្បាលរបស់អ្នក អាចកើនឡើង និងធ្វើឲ្យមានរោគសញ្ញាមួយចំនួន ឬទាំងអស់ដូចខាងក្រោមនេះ ៖

• ឈឺក្បាលខ្លាំងឡើងៗ
• ក្អួត
• ស្ទើរសន្លប់ និងការវិវត្តនៃការបាត់បង់ស្មារតី
• វិលមុខ
• ភាន់ច្រឡំ
• ប្រស្រីភ្នែករីកមិនស្មើគ្នា
• ខ្សោយអវៈយៈវៈមួយចំហៀងនៃរាងកាយ
• លើសសម្ពាធឈាម។

(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)

ពេលដែលឈាមកាន់តែច្រើនទៅៗបំពេញក្នុងខួរក្បាល ឬមានទំហំតូចចង្អៀតរវាងខួរក្បាល និងឆ្អឹងក្បាល រោគសញ្ញាផ្សេងទៀតអាចនឹងលេចច្បាស់ឡើងៗ ដូចជា ៖

• សន្លឹម
• ប្រកាច់
• សន្លប់បាត់ស្មារតី។

(អាន:ថ្នាំងងុយគេង ពេលអ្នកគួរប្រើ)

ចូរស្វែងរកការព្យាបាលជាបន្ទាន់ បន្ទាប់ពីមានការប៉ះទង្កិចលើក្បាល ៖

• ការសន្លប់បាត់បង់ស្មារតី
• អ្នកធ្លាប់មានរោគសញ្ញាណាមួយ ដែលអាចបង្ហាញជាសញ្ញានៃការមានឈាមកកនៅក្នុងខួរក្បាល។

បើទោះបីជារោគសញ្ញានៃការមានឈាមកកនៅក្នុងខួរក្បាល ប្រហែលជាមិនអាចលេចឡើងច្បាស់ភ្លាមៗ សូមពិនិត្យមើលយ៉ាងដិតដល់ សម្រាប់ការផ្លាស់ប្តូរក្នុងរាងកាយ និងអារម្មណ៍ ជាបន្តបន្ទាប់។

ឧទាហរណ៍ ប្រសិនបើមាននរណាម្នាក់ ហាក់ដូចជាមានភាពល្អប្រសើរបន្ទាប់ពី ការប៉ះទង្កិចក្បាល ប៉ុន្តែ បន្ទាប់មក បែទៅជាសន្លប់ សូមស្វែងរកការព្យាបាលជំងឺជាបន្ទាន់៕